ამერიკის შეერთებული შტატების ვიცე-პრეზიდენტი კამალა ჰარისი Crocus City Hall-ზე თავდასხმაში უკრაინის მონაწილეობაზე რუსეთის პრეზიდენტის, ვლადიმერ პუტინის განცხადებას გამოეხმაურა.

როგორც ჰარისმა ABC News-ს განუცხადა, არ არსებობს მტკიცებულება იმისა, რომ თავდასხმის უკან უკრაინა დგას.

"არავითარი მტკიცებულება არ არსებობს. სინამდვილეში, რაც ჩვენ ვიცით, არის ის, რომ რეალურად, ყველა მონაცემით, მომხდარზე პასუხისმგებელი "ისლამური სახელმწიფოა".

რაც მოხდა, არის ტერორისტული აქტი და დაღუპულთა რიცხვი აშკარად ტრაგედიაა და ჩვენ ყველამ უნდა გამოვუცხადოთ სამძიმარი ამ ოჯახებს",- ამბობს ჰარისი.

შეგახსენებთ, რუსეთში, Crocus City Hall-ზე თავდასხმა 22 მარტს მოხდა. საკონცერტო დარბაზში რამდენიმე შეიარაღებულმა პირმა ცეცხლი ჯგუფ "პიკნიკის" კონცერტის დაწყებამდე გახსნა. ბოლო მონაცემებით, დაღუპულია 130-ზე მეტი ადამიანი. 

აღნიშნულთან დაკავშირებით რუსეთის პრეზიდენტმა, ვლადიმერ პუტინმა განაცხადა, რომ თავდამსხმელები მომხდარის შემდეგ "უკრაინისკენ დაიძრნენ".

აღსანიშნავია, რომ თავდასხმაზე პასუხისმგებლობა ტერორისტულმა დაჯგუფება "ისლამურმა სახელმწიფომ" აიღო.

ავტორი: ექსპრესნიუსი,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს