ისრაელი უკრაინისთვის საჰაერო თავდასხმის გამაფრთხილებელი სისტემების მიწოდებას გეგმავს. აღნიშნულის შესახებ ინფორმაციას უკრაინული მედია გაეროში ისრაელის მუდმივ წარმომადგენელზე, გილად ერდანზე დაყრდნობით ავრცელებს.

მისი თქმით, ისრაელი მოხარულია, რომ თავის პოტენციალს უკრაინელ მეგობრებს უზიარებს.

"ისრაელი მუშაობს უკრაინას ადრეული გაფრთხილების სისტემებით უზრუნველსაყოფად, რათა გადაარჩინოს მშვიდობიანი მოქალაქეები რუსული დარტყმისგან. ჩვენ იძულებულნი ვართ, გავხდეთ ექსპერტები ამ სფეროში და მზად ვართ, გავუზიაროთ ჩვენი გამოცდილება ჩვენს უკრაინელ მეგობრებს, რომლებსაც დახმარება სჭირდებათ", - განაცხადა გილად ერდანმა.

მისივე თქმით, ისრაელი უკრაინას მხარს ომის პირველი კვირებიდან უჭერს.

"ისრაელმა 100 ტონაზე მეტი ჰუმანიტარული აღჭურვილობა გაუგზავნა ჩვენს უკრაინელ მოკავშირეებს რუსეთის შემოჭრის პირველ კვირას. ჩვენ ასევე განვათავსეთ საველე ჰოსპიტალი უკრაინაში, რომელმაც დახმარება გაუწია ათასობით დაჭრილს, ხოლო ასობით უკრაინელი პაციენტი მკურნალობდა ისრაელის საავადმყოფოებში და კლინიკები", - დასძინა გილად ერდანმა.

ავტორი: ექსპრესნიუსი,

სოციალური ქსელები

რატომ ჰგავს რეჟიმის ინიციატივა, დაამკვიდროს აღვირახსნილი ცენზურა რუსულ მოდელს - განვიხილავთ დეტალურად

„გაიარე მეტი უსაფრთხოდ“ - „თეგეტას“ ახალი კამპანია საგზაო უსაფრთხოების კულტურის გასაძლიერებლად

Anchorსაქართველოს ბანკისა და ლურჯი მოცვის მწარმოებელთა ასოციაციის თანამშრომლობის ფარგლებში, საქართველოს საერთაშორისო მოცვის ორგანიზაციის თავმჯდომარე ეწვია

საერთაშორისო განათლების ახალი შესაძლებლობები - საქართველოს ბანკისა და LEAF-ის ახალი პარტნიორობა