დროებით ოკუპირებული ცხინვალის ე.წ. სასამართლოს პრესსამსახურის ცნობით, 3 პირს პატიმრობა მიესაჯა.

მათი ინფორმაციით, გეორგი გოგიჩაევმა, ალან კარკუსოვმა და იანიკ კარკუსოვმა "2006 წელს, საქართველოს სპეცსამსახურების დავალებით, ფულადი ჯილდოს სანაცვლოდ, რამდენიმე ტერორისტული დანაშაული ჩაიდინეს".

"მსჯავრდებულები დამნაშავედ ცნეს საზოგადოებრივი უსაფრთხოებისა და წესრიგის წინააღმდეგ მიმართული განსაკუთრებით მძიმე დანაშაულების ჩადენაში და ექსტრემისტული ხასიათის სხვა დანაშაულებში, კერძოდ, იარაღისა და საბრძოლო მასალის უკანონო დამზადების, შეძენის, შენახვისა და ტრანსპორტირებისა და წინასწარი შეთქმულებით ტერორისტული აქტის ჩადენასთან დაკავშირებული ქმედებებისთვის“, - ნათქვამია ე.წ. სასამართლოს განცხადებაში.

ე.წ. სასამართლოს პრესსამსახურის ცნობითვე, გეორგი გოგიჩაევსა და ალან კარკუსოვს 19-წლიანი, იანიკ კარკუსოვს კი 22-წლიანი პატიმრობა მიესაჯათ.

აღსანიშნავია, რომ თავად მსჯავრდადებულები სხდომას არ ესწრებოდნენ, ვინაიდან ისინი მიმალვაში იმყოფებიან და მათზე საოკუპაციო რეჟიმის წარმომადგენლებს ძებნა აქვთ გამოცხადებული.

ავტორი: ექსპრესნიუსი,

სოციალური ქსელები

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს

სასამართლომ გრიგოლ ლილუაშვილის ნათესავს, ანდრია ლილუაშვილს 12 წლით პატიმრობა მიუსაჯა

ნეტა ჩემი შვილი მომკვდარიყო და ის ბავშვი ყოფილიყო ცოცხალი - დაკავებული ნიკა კაპანაძის დედა