აშშ-მა კიდევ ერთხელ დაადო ვეტო გაეროს უშიშროების საბჭოს რეზოლუციის პროექტს,რომელიც ისრაელსა და „ჰამასს “შორის ცეცხლის შეწყვეტას გულისხმობდა. ამის შესახებ ინფორმაციას სააგენტო Reuters-ი ავრცელებს.

გაეროს უშიშროების საბჭოს 13-მა წევრმა მხარი დაუჭირა ალჟირის მიერ შემუშავებულ პროექტს, ხოლო დიდმა ბრიტანეთმა თავი შეიკავა.

გაეროში აშშ-ის ელჩმა, ლინდა თომას-გრინფილდმა აღნიშნა, რომ აშშ ვეტოს დაადებს რეზოლუციის პროექტს, რადგან ის საფრთხეს უქმნის აშშ-ს, ეგვიპტეს, ისრაელსა და კატარს შორის მოლაპარაკებებს, რომლებიც მიზნად ომის შეჩერებას და მძევლების გათავისუფლებას ისახავს.

„ნებისმიერი ქმედება, რომელსაც ეს საბჭო ახლა მიმართავს, უნდა დაეხმაროს და არ უნდა შეაფერხოს ეს მგრძნობიარე მოლაპარაკებები. ჩვენ გვჯერა, რომ არსებული რეზოლუცია ფაქტობრივად, უარყოფითად იმოქმედებს ამ მოლაპარაკებებზე. დაუყოვნებლივ, უპირობო ცეცხლის შეწყვეტის მოთხოვნა შეთანხმების გარეშე, რომელიც მოითხოვს „ჰამასის“ მიერ მძევლების გათავისუფლებას, არ მოიტანს გრძელვადიან მშვიდობას. სამაგიეროდ, შეიძლება, გაახანგრძლივოს ბრძოლა „ჰამასსა“ და ისრაელს შორის“, - განაცხადა გაეროში აშშ-ის ელჩმა.

ავტორი: ექსპრესნიუსი,

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება