კოლექტიური „ნაცებისთვის“ სასიკეთო არ არის, ღარიბაშვილი რომ პარტიის თავმჯდომარე ხდება, არც ის, რომ კობახიძე იქნება ქვეყნის პრემიერი, - ამის შესახებ თბილისის მერმა, კახა კალაძემ განაცხადა.

კალაძემ ირაკლი ღარიბაშვილს გაწეული შრომისთვის მადლობა გადაუხადა და ირაკლი კობახიძეს ახალ თანამდებობაზე წარმატებები უსურვა.

„იმას, რას ამბობენ ოპონენტები აღნიშნულ ფაქტთან დაკავშირებით, არსებითი მნიშვნელობა არ აქვს. გულწრფელად ვიტყვი – მათთვის სასიკეთო არაფერი. მათთვის სასიკეთო არაფერია თუნდაც ბიძინა ივანიშვილის პოლიტიკაში დაბრუნებით. ასევე კოლექტიური „ნაცებისთვის“ არანაირად სასიკეთო არ არის, ირაკლი ღარიბაშვილი რომ პარტიის თავმჯდომარე ხდება, არც ის, რომ ირაკლი კობახიძე იქნება ქვეყნის პრემიერ-მინისტრი“, - განაცხადა კახა კალაძემ.

შეგახსენებთ, 29 იანვარს ირაკლი ღარიბაშვილმა საქართველოს პრემიერ-მინისტრის თანამდებობის დატოვების შესახებ განაცხადა.

პირველად ირაკლი ღარიბაშვილმა საქართველოს პრემიერ-მინისტრის თანამდებობა 2013 წელს დაიკავა და პოსტს 2015 წლის დეკემბრის ბოლომდე იკავებდა. მეორედ ღარიბაშვილი პრემიერ-მინისტრი 2021 წლის 22 თებერვალს გახდა.

ავტორი: ექსპრესნიუსი,

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს