თურქეთის პრეზიდენტმა, რეჯეფ თაიფ ერდოღანმა, პარლამენტის გადაწყვეტილებას შვედეთის ნატოში გაწევრიანების რატიფიცირების შესახებ, ხელი მოაწერა. აღნიშნულის შესახებ ინფორმაციას Reuters-ი ავრცელებს.

Reuters-ის ცნობით, ოქმი თურქეთის პრეზიდენტის ოფიციალურ გაზეთში გამოქვეყნდა, რაც იმას ნიშნავს, რომ იგი ძალაში შევიდა.

სააგენტოს ცნობითვე, ერდოღანის ამ ნაბიჯით თურქეთმა სრულად დაამტკიცა შვედეთის შესვლა ნატოში.

შეგახსენებთ, რომ თურქეთის დიდმა ეროვნულმა ასამბლეამ შვედეთის ნატოში გაწევრიანებას მხარი 23 იანვარს დაუჭირა.

შვედეთის ჩრდილოატლანტიკურ ალიანსში გაწევრიანებას პარლამენტის 346 დეპუტატიდან 287-მა დაუჭირა მხარი, 55 წინააღმდეგი იყო, 4-მა კი, კენჭისყრაში მონაწილეობისგან თავი შეიკავა.

ავტორი: ექსპრესნიუსი,

სოციალური ქსელები

თიბისის კონცეპტის მხარდაჭერით ZEG Storytelling Festival გაიმართება

რაჟდენ კუპრაშვილი კორუფციაში ბრალდებული ყოფილი მაღალჩინოსანის ადვოკატი იქნება

ნანუკა ჟორჟოლიანმა მცხეთის იზოლატორი დატოვა

სუს-მა გრიგოლ ლილუაშვილის ყოფილი მოადგილე ლევან ახობაძე დააკავა