ჩვენ გვსურს აღვნიშნოთ რუსეთის ფედერაციის ფარისევლობა, როდესაც მან კიდევ ერთი უშიშროების საბჭო მოიწვია, რათა გაეკრიტიკებინა უკრაინისთვის იარაღის კანონიერი მიწოდება, - ამის შესახებ გაეროშო უკრაინის ელჩმა, სერჰი კისლიცამ განაცხადა.

კისლიცამ დასავლეთის ქვეყნებს მოუწოდა, რომ არ დაეხმარონ რუსეთს უკრაინის წინააღმდეგ ომში.

"ჩვენ გვსურს აღვნიშნოთ რუსეთის ფედერაციის ფარისევლობა, როდესაც მან კიდევ ერთი უშიშროების საბჭო მოიწვია, რათა გაეკრიტიკებინა უკრაინისთვის იარაღის კანონიერი მიწოდება, რაც კეთდება უკრაინის სუვერენიტეტის დაცვისთვის. დღევანდელი ნაბიჯი არის კიდევ ერთი მცდელობა რუსეთის ფედერაციისგან, რომ ყურადღება გადაიტანოს აგრესიული ომიდან, რომელსაც ის უკრაინაში აწარმოებს, სისტემატურად ბომბავს, კლავს მშვიდობიან მოსახლეობას და ანადგურებს ინფრასტრუქტურას. როდესაც უკრაინა ცდილობს საკუთარი მოქალაქეების დაცვას, რუსეთი მშვიდობიან მოსახლეობას სხვა ქვეყნებში შეძენილი იარაღით კლავს. ჩვენ ვგმობთ რუსეთის მხარდაჭერას ირანის, ბელარუსისა და კორეის სახალხო დემოკრატიული რესპუბლიკის მიერ. ჩვენ მოვუწოდებთ ყველა ქვეყანას, არ გაუწიონ დახმარება რუსეთს ამ აგრესიულ ომში", - განაცხადა სერჰი კისლიცამ.

ცნობისთვის, რუსეთის საგარეო საქმეთა მინისტრი სერგეი ლავროვი ნიუ-იორკში დღეს ჩავიდა.

ავტორი: ექსპრესნიუსი,

სოციალური ქსელები

ზელენსკი: ვიშნევეში იარაღის საწყობების განთავსებისთვის პასუხისმგებელი პირები დაისჯებიან

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა