„ქართულმა ოცნებამ“ მე-7 ყრილობაზე, პარტიის პოლიტიკური საბჭოს განახლებული შემადგენლობა დაამტკიცა.

პოლიტსაბჭოს შემადგენლობა პარტიის თავმჯდომარემ, ირაკლი კობახიძემ წარადგინა.

„ქალბატონებო და ბატონებო, პარტიის წესდების შესაბამისად, დღეს ჩვენ უნდა ავირჩიოთ პარტიის პოლიტიკური საბჭოს განახლებული შემადგენლობა. წესდების თანახმად, პოლიტიკურ საბჭოში შედის 15 წევრი, ხოლო კანდიდატურებს ასახელებს პოლიტიკური საბჭოს მოქმედი შემადგენლობა. პარტიის პოლიტიკური საბჭოს გადაწყვეტილებით, წარმოგიდგენთ განახლებულ პოლიტიკურ საბჭოს შემდეგი შემადგენლობით:

• ირაკლი ღარიბაშვილი - საქართველოს პრემიერი-მინისტრი,
• პარტიის პოლიტიკური მდივანი; კახა კალაძე - ქალაქ თბილისის მერი, პარტიის გენერალური მდივანი;
• შალვა პაპუაშვილი - საქართველოს პარლამენტის თავმჯდომარე;
• მამუკა მდინარაძე - პარტიის აღმასრულებელი მდივანი,
• „ქართული ოცნების“ საპარლამენტო ფრაქციის თავმჯდომარე; თეა წულუკიანი - საქართველოს ვიცე-პრემიერი, კულტურისა და სპორტის მინისტრი;
• გიორგი ვოლსკი - საქართველოს პარლამენტის თავმჯდომარის პირველი მოადგილე;
• ვახტანგ გომელაური - საქართველოს შინაგან საქმეთა მინისტრი;
• არჩილ თალაკვაძე - საქართველოს პარლამენტის თავმჯდომარის მოადგილე;
• თორნიკე რიჟვაძე - აჭარის ავტონომიური რესპუბლიკის მთავრობის თავმჯდომარე, პარტიის აჭარის ორგანიზაციის თავმჯდომარე;
• ირაკლი ჩიქოვანი - საქართველოს პარლამენტის თავმჯდომარის მოადგილე;
• ანრი ოხანაშვილი - საქართველოს პარლამენტის იურიდიულ საკითხთა კომიტეტის თავმჯდომარე;
• ნიკოლოზ სამხარაძე - საქართველოს პარლამენტის საგარეო ურთიერთობათა კომიტეტის თავმჯდომარე;
• დიმიტრი სამხარაძე - პარტიის რეგიონული მდივანი, საქართველოს პარლამენტის წევრი;
• მარიამ ქვრივიშვილი - საქართველოს ეკონომიკისა და მდგრადი განვითარების მინისტრის მოადგილე;
• მაკა ბოჭორიშვილი - საქართველოს პარლამენტის ევროპასთან ინტეგრაციის კომიტეტის თავმჯდომარე", - მიმართა ირაკლი კობახიძემ დელეგატებს.

ირაკლი კობახიძემ ასევე მადლობა გადაუხადა ბიძინა ივანიშვილს, რომელიც „ქართული ოცნების“ საპატიო თავმჯდომარედ აირჩიეს.

„ვიცი რა, პარტიის თითოეული წევრის თითოეული წევრის დამოკიდებულება ბატონი ბიძინას მიმართ, თავს უფლებას მივცემ და 42 000 წევრის სახელით მადლობა მინდა გადაგიხადოთ თქვენი ღვაწლისთვის ჩვენი ქვეყნის წინაშე", - დასძინა კობახიძემ.

ავტორი: ექსპრესნიუსი,

სოციალური ქსელები

„საქართველოს ბანკის“ PLUS ბარათის მფლობელები Alta-ში სპეციალურ შეთავაზებასა - 20%-იან ქეშბექს მიიღებენ

სებ: EU-ის მიერ სანქცირებული 3 სუბიექტი არ წარმოადგენს სებ-ის მიერ რეგულირებულ სუბიექტებს

შსს: კახეთში შვილმა მამა მოკლა, ცხედარი სახლის ეზოში დამარხა - ის დააკავეს

„საქართველოს ბანკის“ ტერმინალი სალარო აპარატის ფუნქციით - 0% საკომისიო საბარათე გადახდებზე მიკრო და მცირე ბიზნესისთვის