2023-12-28 17:36:41, 854 ნახვა

---

ჩეხეთის ელჩი ბიჭვინთის აგარაკებზე - ჩვენ მხარს ვუჭერთ საქართველოს სუვერენიტეტს - გადაწყვეტილება ბათილია

ჩეხეთი ყოველთვის უჭერდა და კვლავ უჭერს მხარს საქართველოს ტერიტორიულ მთლიანობასა და სუვერენიტეტს, - ამის შესახებ ჩეხეთის ელჩი საქართელოში პეტრ კუბერნატი სოციალურ ქსელ X-ზე (ყოფილ Twitter-ზე) წერს.

კუბერნატის თქმით, ბიჭვინთის აგარაკების რუსეთისთვის გადაცემა საქართველოს ტერიტორიული მთლიანობის დარღვევაა.

"ჩეხეთი ყოველთვის უჭერდა და კვლავ უჭერს მხარს საქართველოს ტერიტორიულ მთლიანობასა და სუვერენიტეტს. შესაბამისად, ამის დარღვევად მიგვაჩნია აფხაზეთში ბიჭვინთის ტერიტორიის რუსეთისთვის გადაცემა, ყველა ამგვარი გადაწყვეტილება ანულირებული და ბათილია", - წერს პეტრ კუბერნატი.

შეგახსენებთ, რომ, გუშინ 27 დეკემბერს დროებით ოკუპირებული აფხაზეთის ე.წ. პარლამენტმა რუსეთისთვის ბიჭვინთის აგარაკების გადაცემის "შეთანხმება" დაამტკიცა, ხოლო ე.წ. პრეზიდენტმა, ასლან ბჟანიამ მას ხელი მოაწერა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი