დედაქალაქის მერი კახა კალაძე ეხმაურება "სტრატეგია აღმაშენებლის" ლიდერის, გიორგი ვაშაძის განცხადებას, რომლის მიხედვითაც, სატრანსპორტო პოლიტიკასთან დაკავშირებით, თბილისის მერია კომპანია „სისტრას“ რეკომენდაციებს არ ითვალისწინებს.

კალაძე ვაშაძეს ტყუილის მიზანმიმართულად გავრცელებაში ადანაშაულებს.

„გიორგი ვაშაძე არის ჩვეულებრივი დეგრადირებული, გაქსუებული პოლიტიკოსი. პოლიტიკოსსაც ვერ ვუწოდებ. შეურაცხყოფა იქნებოდა ამ სტატუსის მქონე ადამიანების მიმართ. ამ ადამიანს ჰგონია, რომ ისევ ის წლებია, როდესაც ყალბ პირადობის მოწმობებს ბეჭდავდნენ. გახსოვთ ის პერიოდი, როდესაც ეს ადამიანი იუსტიციის სამინისტროში „მოღვაწეობდა“. ის ჩარჩენილია წარსულში. არ ვიცი, ადამიანმა როგორ უნდა იკადროს ასეთი ტყუილის თქმა. გამოვიდა და პირდაპირ ეთერში თქვა, რომ თითქოს, თბილისის მერია არ ითვალისწინებს უცხოელი კონსულტანტების მიერ შემოთავაზებულ რეკომენდაციებს, თუ რა სქემებით უნდა რეაბილიტირდეს ქუჩები, როგორ უნდა იმოძრაოს საზოგადოებრივმა ტრანსპორტმა და ა.შ. ეს არის ძალიან დიდი ტყუილი და აბსურდი. ჩვენ გვყავს მსოფლიოში საუკეთესო კომპანიები, რომლებიც ამ მიმართულებით მუშაობენ და ის რეფორმა, რომელიც 2017 წელს დაიწყო, დღესაც გრძელდება. ეს რეფორმა ძალიან მნიშვნელოვანია ჩვენი ქალაქისთვის და საზოგადოებრივი ტრანსპორტის განვითარება არის უმნიშვნელოვანესი პრიორიტეტი“, - განაცხადა კახა კალაძემ. 

მისივე თქმით, თბილისის მერია ზედმიწევნით ითვალისწინებს „სისტრას“ რეკომენდაციებს და ვაშაძის ბრალდება მხოლოდ და მხოლოდ მოსახლეობის შეცდომაში შეყვანას ემსახურება.

„თავად ვუსმინე ამ განცხადებას, სადაც ის საუბრობდა, რომ თითქოს მათ კვლევაში დაწერეს, რომ არ შეიძლება საავტობუსო ზოლების გაკეთება იქ, სადაც ორი ზოლია და ჭავჭავაძის გამზირი ჰქონდა მოყვანილი მაგალითად. ძალიან დიდი ტყუილია და ასეთი იაფფასიანი, პოპულისტური განცხადებებით შემოიფარგლებიან ეს ადამიანები და აქვთ მცდელობა, რომ საზოგადოებაში მოიპოვონ მხარდაჭერა. პირიქით - ასეთი არასწორი განცხადებებით და ტყუილის ქადაგებით, კიდევ უფრო დააკლდებათ ამომრჩევლები და მხარდამჭერები. შედეგიც სახეზეა. ხედავთ, რაც ხდება ნაციონალურ მოძრაობაში. ერთნი არიან ეგენი. დღეს შეიძლება სხვა სახელი დაირქვას - სტრატეგია და რაღაც, ხვალ შეიძლება გადაირქვას, მაგრამ შინაარსობრივად და ვიზუალურადაც, რომ შეხედავ, ერთნი არიან“, - აღნიშნა კახა კალაძემ.

ავტორი: ექსპრესნიუსი,

სოციალური ქსელები

“ქეშბექობანა” - ლიბერთის ლოიალობის პროგრამა Cashback-ის და VISA-ს განსაკუთრებული შეთავაზებები ბავშვებისთვის

ბრიტანული დაზვერვა: უკრაინაში ომში თითქმის ნახევარი მილიონი რუსი ჯარისკაცი დაიღუპა

აშშ-ის სახელმწიფო დეპარტამენტის დელეგაციასთან კოალიცია ცვლილებისთვის ლიდერებმა შეხვედრა გამართეს

1 ივნისის შეთავაზებები მოსწავლეებისთვის საქართველოს ბანკის sCoolApp-ში