2023-10-29 17:54:00, 856 ნახვა
მსოფლიო
გაერო - ღაზას მოსახლეობა საწყობებსა და დახმარების განაწილების ცენტრებში შეიჭრა
ღაზას სექტორის ათასობით მცხოვრები გაეროს პალესტინის ლტოლვილთა სააგენტოს (UNRWA) საწყობებსა და სადისტრიბუციო ცენტრებში შეიჭრა. ამის შესახებ ინფორმაციას Reuters-ი სააგენტოს განცხადებაზე დაყრდნობით ავრცელებს.
სააგენტოს ცნობით, მოსახლეობამ საწყობებიდან ფქვილი და პირველადი მოხმარების საგნები წაიღო.
„ეს არის შემაშფოთებელი ნიშანი იმისა, რომ სამოქალაქო წესრიგი იწყებს ნგრევას სამკვირიანი ომისა და ღაზას მკაცრი ალყის შემდეგ... საკვების მარაგი მცირდება და ღაზას სექტორში ეგვიპტიდან შემოსული ჰუმანიტარული დახმარება არასაკმარისია",- განაცხადა თომას უაიტმა, UNRWA-ს საქმეთა დირექტორმა ღაზას სექტორში.
ავტორი: ექსპრესნიუსი,
epn.ge (@expressnews.ge)
