დიდი ბრიტანეთის საგარეო საქმეთა მინისტრი ჯეიმს კლევერლი თურქეთს ეწვევა. აღნიშნულის შესახებ ინფორმაციას თურქეთის საგარეო საქმეთა სამინისტრო ავრცელებს.

საგარეო უწყების ცნობით, კლევერლის ვიზიტი 13-14 სექტემბერს გაიმართება.

„13-14 სექტემბერს ჩვენს ქვეყანას დიდი ბრიტანეთის საგარეო საქმეთა, თანამეგობრობისა და განვითარების მინისტრი ეწვევა. მოსალოდნელია, რომ ვიზიტის ფარგლებში დაგეგმილ შეხვედრებზე ორმხრივ ურთიერთობებსა და აქტუალურ რეგიონულ და საერთაშორისო საკითხებზე იმსჯელებენ“, - აღნიშნულია განცხადებაში.

თურქული მედიის ცნობით, ჯეიმს კლევერლი თურქეთის საგარეო საქმეთა მინისტრს, ჰაკან ფიდანს შეხვდება, სადაც საუბარი უკრაინაში ომს და "შავი ზღვის მარცვლეულის ინიციატივას" შეეხება.

„მოსალოდნელია, რომ შეხვედრის დროს რუსეთ-უკრაინის ომის, "მარცვლეულის ინიციატივისა" და NATO-ში შვედეთის გაწევრიანების საკითხები განიხილება“,- წერს მედია.

ავტორი: ექსპრესნიუსი,

სოციალური ქსელები

ჩეხეთის პრეზიდენტმა რუსეთს ინტერნეტთან კავშირის გათიშვა შესთავაზა.

დიუშენის კუნთოვანი დისტროფიის მქონე ბავშვების დასახმარებლად უკვე 1 300 000 ლარი შეგროვდა - მარათონი გრძელდება

26 მაისს დაგეგმილ დიდ საპროტესტო აქციას სტუდენტებიც უერთდებიან

NYT: ტრამპის ადმინისტრაცია ისრაელს ირანთან მოლაპარაკებებში გვერდზე უდგას