2023-09-05 14:52:03, 844 ნახვა
ომი უკრაინაში
შოიგუ - უკრაინულმა ძალებმა ფრონტის ვერცერთ სექტორში წარმატებას ვერ მიაღწიეს
უკრაინულმა ძალებმა ფრონტის ვერცერთ სექტორში წარმატებას ვერ მიაღწიეს, - ამის შესახებ რუსეთის თავდაცვის მინისტრმა, სერგეი შოიგუმ განაცხადა.
მისივე თქმით, უკრაინელი სამხედროები თავს ესხმიან სამოქალაქო ობიექტებს და ამ თავდასხმებს სამხედრო გამარჯვებად წარმოაჩენენ.
"ე.წ. კონტრშეტევის დროს უკრაინის ხელმძღვანელობამ ვერცერთი მიმართულებით ვერ მიაღწია დასახულ მიზანს. უკრაინის ხელისუფლება სასოწარკვეთილად ცდილობს, დასავლელ კურატორებს შეტევითი ოპერაციების გარკვეული წარმატება მაინც აჩვენოს, რათა შემდგომ სამხედრო და ეკონომიკური დახმარება მიიღოს, რომელიც მხოლოდ ახანგრძლივებს კონფლიქტს.
ზაპოროჟიეს მიმართულებით ვითარება ყველაზე დაძაბულია. უკრაინელი სამხედროები თავს ესხმიან სამოქალაქო ობიექტებს და ამ თავდასხმებს სამხედრო გამარჯვებად წარმოაჩენენ", - განაცხადა შოიგუმ.
ავტორი: ექსპრესნიუსი,
epn.ge (@expressnews.ge)
