ამ დროისთვის, პაციენტის ჯანმრთელობის მდგომარეობა, შეიძლება ითქვას, რომ გაუმჯობესებულია,- ამის შესახებ "ვივამედის" კლინიკურმა დირექტორმა, ზურაბ ჩხაიძემ მესამე პრეზიდენტთან, მიხეილ სააკაშვილთან დაკავშირებით განაცხადა.

როგორც ჩხაიძემ მედიის წარმომადგენლებთან საუბრისას აღნიშნა, ექსპრეზიდენტის მიერ კვების რაციონის სრულად გათვალისწინება ისევ არ ხდება.

"საყურადღებო რჩებოდა ლაბორატორიული კვლევის შედეგები, რომელიც განმეორებითი კვლევის შედეგადაც ვნახეთ და ყველა მაჩვენებელი არის გაუმჯობესებული. რაც შეეხება პაციენტს, ის უფრო აქტიურია. კვების რაციონის სრულად გათვალისწინება მაინც არ ხდება, მაგრამ არის კვების მხრივაც გაუმჯობესება",- განაცხადა ჩხაიძემ.

შეკითხვაზე, იძლევა თუ არა ექსპრეზიდენტის ჯანმრთელობის მდგომარეობა მისი სასჯელაღსრულების დაწესებულებაში გადაყვანის შესაძლებლობას, ჩხაიძემ თქვა:

"ამ პერიოდისთვის, რა თქმა უნდა, მისი ჯანმრთელობის მდგომარეობა, ლაბორატორიული კვლევის შედეგები და პარამეტრები, რაც მას გააჩნია, შეესაბამება სრულად სტაციონარის პირობებში მკურნალობას". 

ავტორი: ექსპრესნიუსი,

სოციალური ქსელები

საია: ფორმულასთან დაკავშირებით სასამართლოს გადაწყვეტილება SLAPP პრეცედენტია

უკრაინამ შავ ზღვაში რუსეთის ჩრდილოვანი ფლოტის 20 გემს დაარტყა

თბილისის ტრამვაის ტენდერში თურქულმა კომპანია EmreRay-მ გაიმარჯვა - პროექტი ₾288 მლნ ჯდება

ყაველაშვილი დოჰაშია, სადაც კატარის სახელმწიფოს ემირს შეხვდება და ყოფილი ემირის გარდაცვალებას მიუსამძიმრებს