ბათუმი ავარიული სახლების გარეშე პროგრამის ფარგლებში ახალი, მრავალბინიანი სახლების მშენებლობას და მიმდინარე მასშტაბურ საგზაო ინფრასტრუქტურულ სამუშაოებს აჭარის მთავრობის თავმჯდომარე თორნიკე რიჟვაძე ბათუმის მერთან, არჩილ ჩიქოვანთან ერთად გაეცნო. ამის შესახებ ინფორმაციას აჭარის მთავრობა ავრცელებს.

აჭარის მთავრობის ინფორმაციით, ბათუმში ვარშანიძისა და ხახულის ქუჩების რეაბილიტაცია აქტიურ ფაზაშია. პროექტის ფარგლებში დაგეგმილია 15 ხიდის, საყრდენი კედლების, სანიაღვრე არხის, ტროტუარებისა და ბორდიურების მოწყობა.  პროექტის ღირებულება 31 მლნ ლარს შეადგენს.

თორნიკე რიჟვაძე ადგილზე გაეცნო ბათუმი ავარიული სახლების პროგრამის ფარგლებში, სელიმ ხიმშიაშვილის ქუჩაზე ახალი,182 ბინაზე გათვლილი მრავალბინიანი საცხოვრებელი სახლის მშენებლობას.

პროგრამა 2022 წელს ამოქმედდა და მიზნად ისახავს ავარიული სახლების თანამედროვე, უსაფრთხო საცხოვრებელი კომპლექსებით ჩანაცვლებას. პროგრამის ფარგლებში ბათუმში 10 ლოკაციაზე მიმდინარეობს ახალი საცხოვრებელი კომპლექსის მშენებლობა, ასევე 11 მისამართზე განხორციელდა გამაგრება-რეაბილიტაციის სამუშაოები.

,,ბათუმში აქტიურად მიმდინარეობს ინფრასტრუქტურული და სოციალური პროექტები. ჩემთვის ძალიან სასიხარულოა, რომ ბათუმის მუნიციპალიტეტთან ერთად, ჩვენ აქტიურად ავამოქმედეთ მართლაც, სახელმწიფოებრივი მნიშვნელობის პროგრამა - ,,ბათუმი ავარიული სახლების გარეშე". ამ მიმართულებით სრულად არის მობილიზებული საბიუჯეტო რესურსი. შემდეგი 2 წლის განმავლობაში 3000-მდე ოჯახი დაკმაყოფილდება ახალი, თანამედროვე საცხოვრისით. ასევე, მნიშვნელოვანია, რომ ბათუმში გრძელდება ინფრასტრუქტურის მოწესრიგება, ახალი გზების მშენებლობა, არსებული გზების რეაბილიტაცია. მისასალმებელია, რომ ძალიან აქტიურად მიმდინარეობს ხახულის ქუჩის რეაბილიტაცია, რომელიც წლების გამავლობაში იყო მოუწესრიგებელი" - განაცხადა თორნიკე რიჟვაძემ.

პროგრამა ბათუმი ავარიული სახლების გარეშე ითვალისწინებს 300-მდე მრავალბინიანი საცხოვრებელი სახლის მშენებლობას და 3000-ზე მეტი ოჯახისთვის უსაფრთხო საცხოვრებელი გარემოს შექმნას.

ბათუმში მიმდინარე პროექტებს საქართველოს პარლამენტისა და უმაღლესი საბჭოს მაჟორიტარი დეპუტატები და ბათუმის საკრებულოს ხელმძღვანელი პირები გაეცნენ.

ავტორი: NS (სტატია დაფინანსებულია),

სოციალური ქსელები

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა

მინდია შერვაშიძე ციხიდან გამოსვლისთანავე 500 ლარით დააჯარიმეს

კობახიძე: მიუხედავად წარმოქმნილი გამოწვევებისა, კვლავაც გვწამს, რომ დადგა დრო, გადავტვირთოთ აშშ-სთან სტრატეგიული პარტნიორობა