2023-08-10 20:19:11, 1555 ნახვა

---

წერეთელი - გავაკეთეთ დროებითი მისასვლელი გზა სტიქიის ზონაში ჩარჩენილი ავტომობილებისთვის, დღეს უკვე გამოვიყვანეთ 10 მანქანა

უკვე შევძელით და სტიქიის ზონიდან დღეს 10 მანქანა გადმოვიყვანეთ, დანარჩენებზე ველოდებით ავტომფლობელებს, - ამის შესახებ საავტომობილო გზების დეპარტამენტის თავმჯდომარემ, გიორგი წერეთელმა განაცხადა.

როგორც გიორგი წერეთელმა აღნიშნა, მერვე დღეა, საავტომობილო გზების დეპარტამენტის მიერ აქტიურად მიმდინარეობს სტიქიის სალიკვიდაციო სამუშაოები.

„ამ ეტაპზე სამძებრო სამუშაოები მიმდინარეობს და 100-ზე მეტი ერთეული ტექნიკა ჰყავს მობილიზებული დეპარტამენტს, რომლებიც სამძებრო სამუშაოებში ჩართულები არიან, სამაშველო სამსახურებთან ერთად, მათი მეთვალყურეობის ქვეშ მიმდინარეობს სამძებრო სამუშაოები. დღეს მოვახერხეთ და გავაკეთეთ დროებითი მისასვლელი გზა სტიქიის ზონაში ჩარჩენილი ავტოსატრანსპორტო საშუალებებისთვის. დღეს უკვე შევძელით და 10 მანქანა გადმოვიყვანეთ, დანარჩენებზე ველოდებით ავტომფლობელებს, როგორც კი მოვლენ, მათაც დავეხმარებით, რათა ავტოსატრანსპორტო საშუალებები მშვიდობით გადმოვიდნენ ონის მხარეს“, - განაცხადა წერეთელმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი