აჭარის ჯანმრთელობისა და სოციალური დაცვის მინისტრი, ნინო ნიჟარაძე, ბათუმის რესპუბლიკური-კლინიკური საავადმყოფოს პედიატრულ დეპარტამენტში არსებულ სამედიცინო სერვისებს გაეცნო. ამის შესახებ ინფორმაციას აჭარის ჯანდაცვის სამინისტრო ავრცელებს.

უწყების ცნობით, პედიატრიულ სერვისებს თვეზე მეტია, რაც ბავშვთა რეანიმაციის მიმართულება დაემატა და იქ ახლა სრულად არის შესაძლებელი თითქმის  ყველა ნოზოლოგიის მქონე პაციენტის მართვა.

,,საკმაოდ კარგად და მძლავრად მუშაობს რესპუბლიკური საავადმყოფო, პედიატრიულ დეპარტამენტში მომართვიანობა მაღალია,  დაიტვირთა როგორც რეანიმაცია, ქირურგია, ასევე თერაპიული განყოფილება. ნებისმიერ მშობელს აქვს შესაძლებლობა მშვიდ გარემოში მაღალკვალიფიციური პერსონალის დახმარებით, მღალტექნოლოგიური, ხარისხისხიანი კვლევების ჩატარების. ვინაიდან ზაფხულისა და ზამთრის სეზონზე ხშირად მაღალი იყო მომართვიანობა, ეხლა უკვე რეგიონში ორი მძლავრი კლინიკა გვაქვს, შესაბამისად აღარ უწევთ მოქალაქეებს დაყოვნება და ოპტიმალურ ვადაში აქვთ სამედიცინო სერვისების მიღების შესაძლებლობა”, - აღნიშნა მინისტრმა, ნინო ნიჟარაძემ.

როგორც პედიატრიული დეპარტამენტის ხელმძღვანელმა, თამაზ სურმანიძემ აღნიშნა, კლინიკას  70 საწოლზე გათვლილი პედიატრიული დეპარტამენტი მიმდინარე წლის 1 ივნისს დაემატა და ხელმისაწვდომია შემდეგი სამედიცინო სერვისები:  ბავშვთა გადაუდებელი დახმარება, ზოგადი პედიატრია, კარდიორევმატოლოგია, ნეფროლოგია, ალერგოლოგია, ნევროლოგია, ტოქსიკოლოგია, გასტროენტეროლოგია, ბავშვთა ინფექციები, ზოგადი ქირურგია, ყბა-სახის ქირურგია, ორთოპედია-ტრავმატოლოგია, ოტო-რინო-ლარინგოლოგია, ბავშვთა რეანიმაცია.

,,მიუხედავად მცირე დროისა, რაც რეანიმაციული სერვისი ამოქმედდა ჩვენს კლინიკაში, არაერთი მძიმე პაციენტი უკვე იმართა წარმატებით. კლინიკას ამ ეტაპზე აქვს ყველა საჭირო რესურსი, შეგვიძლია პედიატრიული ასაკის ნებისმიერი სირთულის პაციენტის მართვა”, - აღნიშნა ბავშვთა ანესთეზიისა და რეანიმაციის ხელმძღვანელმა, ანა კოჩაძემ.

ავტორი: NS (სტატია დაფინანსებულია),

სოციალური ქსელები

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა

მინდია შერვაშიძე ციხიდან გამოსვლისთანავე 500 ლარით დააჯარიმეს

კობახიძე: მიუხედავად წარმოქმნილი გამოწვევებისა, კვლავაც გვწამს, რომ დადგა დრო, გადავტვირთოთ აშშ-სთან სტრატეგიული პარტნიორობა