15 წლის წინ მსოფლიო უფრო გადამწყვეტად და მკაცრად რომ მოქცეულიყო, რუსეთი ვერ გაბედავდა დამოუკიდებელ ტერიტორიებზე შეჭრას, რომლებიც მას არ ეკუთვნის,- ასე ეხმაურება უკრაინის უმაღლესი რადას თავმჯდომარე რუსლან სტეფანჩუკი რუსეთ-საქართველოს 2008 წლის აგვისტოს ომის 15 წლისთავს.

როგორც სტეფანჩუკი სოციალურ ქსელში წერს, რუსეთის ფედერაციამ აგრესიული იმპერიული ამბიციები ჯერ კიდევ 15 წლის წინ აჩვენა.

"15 წლის წინ რუსეთმა დაიწყო შეიარაღებული აგრესია საქართველოს წინააღმდეგ, ქართველი ხალხის წინააღმდეგ. 15 წლის წინ რუსეთის ფედერაციამ უკვე აჩვენა აგრესიული იმპერიული ამბიციები. 15 წლის წინ მსოფლიო უფრო გადამწყვეტად და მკაცრად რომ მოქცეულიყო, რუსეთი ვერ გაბედავდა დამოუკიდებელ ტერიტორიებზე შეჭრას, რომლებიც მას არ ეკუთვნის.

უკრაინა დღეს მომავლისთვის იბრძვის იმის წინააღმდეგ, ვინც ყოველთვის ცდილობდა ამ მომავლის დანგრევას. მხოლოდ ერთობლივი ძალისხმევით - გადამწყვეტი და კოორდინირებული ნაბიჯებით დავამარცხებთ აგრესორს და დავამყარებთ მშვიდობას ევროპაში",- წერს რუსლან სტეფანჩუკი Twitter-ზე.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს