"ნაციონალური მოძრაობა" მანამ, სანამ იყო ხელისუფლებაში და სანამ ყველა ხელისუფლების შტო არ დაკარგა 2013 წელს, მანამ ყოველთვის 8 აგვისტოს, ოჯახის წევრებთან ერთად მიაგებდა პატივს დაღუპულების ხსოვნას,- ამის შესახებ პარლამენტის თავმჯდომარემ, შალვა პაპუაშვილმა განაცხადა.

როგორც პაპუაშვილმა მედიის წარმომადგენლებთან საუბრისას აღნიშნა, "თარიღებით მანიპულაცია არასწორია".

"მინდა, თარიღის საკითხსაც შევეხო. ჩვენ დღეს პატივს მივაგებთ 2008 წლის აგვისტოს დაღუპულების ხსოვნას, ყველას ხსოვნას - მათ, ვინც 6 აგვისტოს სამშვიდობოები რომ დაიღუპნენ; 9 აგვისტოს ანწუხელიძის ხსოვნას; 11 აგვისტოს დაღუპული შინდისის გმირების ხსოვნას - ყველას, ვინც ამ ომში დაიღუპა. ეს მანიპულაცია თარიღებით არის, რა თქმა უნდა, ძალიან არასწორი.

ჩვენ გვახსოვს, რომ საქართველოს სახელმწიფო 2008 წლიდან მოყოლებული სწორედ 8 აგვისტოს მიაგებს პატივს დაღუპულების ხსოვნას. თავად "ნაციონალური მოძრაობა" მანამ, სანამ იყო ხელისუფლებაში და სანამ ყველა ხელისუფლების შტო არ დაკარგა 2013 წელს, მანამ ყოველთვის 8 აგვისტოს, ოჯახის წევრებთან ერთად მიაგებდა პატივს დაღუპულების ხსოვნას. მხოლოდ მას შემდეგ, რაც სახელისუფლო ყველა შტო და ბერკეტი დაკარგეს, მათ გადაწყვიტეს, რომ ისინი არა დაღუპულების ოჯახის წევრებთან ერთად მიაგებენ პატივს დაღუპულების ხსოვნას, არამედ მარტო და მალულად ამოდიან ძმათა სასაფლაოზე... 8 აგვისტო თავად "ნაციონალური მოძრაობის" მიერ დაწესებული თარიღია",- განაცხადა პაპუაშვილმა.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს