ამ დღეების განმავლობაში, საზოგადოებამ თავად ნახა, თუ როგორი დამოკიდებულება აქვს რუსულ რეჟიმს ადამიანების მიმართ და ჩემზე უკეთეს ანალიზს აკეთებს ხალხი,- ამის შესახებ “ერთიანი ნაციონალური მოძრაობის” თავმჯდომარემ, ლევან ხაბეიშვილმა შოვში მომხდარ ტრაგედიასთან დაკავშირებით განაცხადა.

ხაბეიშვილის თქმით, "ვინც გულგრილად მიუდგა ამ სიტუაციას, ჩაიდინა უკანონობა", უნდა დაისაჯოს.

“მე მინდა, სრულიად საქართველოს მივუსამძიმრო ეს ტრაგიკული დღეები. ძალიან მძიმეა, ორი შვილის მამა ვარ და უმძიმესია ამ ყველაფრის ყურება ყოველდღიურ რეჟიმში - ამ ოჯახების, ამ ადამიანების, რომლებმაც დაკარგეს საყვარელი ოჯახის წევრები, ბავშვები, ეს არის უმძიმესი ტრაგედია.

მე ვეცდები, მაქსიმალურად თავი შავი შევიკავო, თუმცა ერთი აუცილებლად უნდა ვთქვათ - ამ დღეების განმავლობაში, საზოგადოებამ თავად ნახა, თუ როგორი დამოკიდებულება აქვს რუსულ რეჟიმს ადამიანების მიმართ და ჩემზე უკეთეს ანალიზს აკეთებს ხალხი.

ჩვენი ამოცანა უნდა იყოს, რომ ყველა ის ადამიანი, ვინც გულგრილად მიუდგა ამ სიტუაციას, გამოიჩინა გულგრილობა, ჩაიდინა უკანონობა, იყვნენ დასჯილები და საბოლოო ჯამში, ჩვენ უნდა ვიცხოვროთ ისეთ ქვეყანაში, სადაც არ შეგვეშინდება დილით გაღვიძება, გადაადგილება, დასვენება და უსაფრთხოების პრობლემები არ გვექნება.

ამიტომ, სხვა პოლიტიკურ განხილვებში ამ თემასთან დაკავშირებით ნამდვილად არ შევალ, ამის დრო აუცილებლად დადგება, თუმცა მანამდე ის უმძიმესი ტრაგედია, რაც განვითარდა შოვში, კიდევ ერთხელ მინდა მივუსამძიმრო საქართველოს მოქალაქეებს",- განაცხადა ლევან ხაბეიშვილმა.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს