სტიქიის ზონაში 25 ადამიანის ძიება გაგრძელდება ღამის განმავლობაშიც, დრონების მეშვეობით, - ამის შესახებ „ქრონიკის“ ეთერში რაჭა-ლეჩხუმ-ქვემო სვანეთის სახელმწიფო რწმუნებულმა პარმენ მარგველიძემ განაცხადა.

მისივე თქმით, პროცესში ჩართულები არიან ასევე კინოლოგები, ამასთან ერთად შექმნილია სტიქიის სალიკვიდაციო შტაბი, სადაც იგზავნება ოპერატიული ინფორმაცია და ხდება რეაგირება.

„მთელი დღის განმავლობაში აქტიურად გრძელდებოდა სამაშველო სამუშაოები, რომელშიც ჩართული იყვნენ შსს-ს სამაშველო ჯგუფები. 400 მაშველი მონაწილეობს სამუშაოებში, სტიქიის ზონის მთელ პერიმეტრზე. 210 მოქალაქე დაუბრუნდა საკუთარ ოჯახებს, 25 ადამიანთან ისევ ვერ ხერხდება კავშირის დამყარება. სამწუხაროდ, გვყავს გარდაცვლილები, რომელთა იდენტიფიკაციის პროცესი უკვე მიმდინარეობს. ვსარგებლობ შემთხვევით და მადლობას ვუხდი ყველას, ვინც მონაწილეობს სტიქიის სალიკვიდაციო ღონისძიებებს. დღეს დაიწყო პირველი ხიდის აღდგენითი სამუშაოები და გზის გაწმენდა. სტიქიის ზონაში იმყოფებოდა პრემიერ-მინისტრი ირაკლი ღარიბაშვილი, რომელმაც შეაფასა ადგილზე არსებული სიტუაცია. მისი გადაწყვეტილებით, ხვალიდან უკვე ეროვნული გვარდიის ჯარისკაცები ჩაერთვებიან სამძებრო სამუშაოებში, რითაც დააჩქარებენ ამ პროცესს. ძიება გაგრძელდება ღამის განმავლობაშიც, დრონების მეშვეობით. პროცესში ჩართულები არიან ასევე კინოლოგები. შექმნილია სტიქიის სალიკვიდაციო შტაბი, სადაც მოდის ოპერატიული ინფორმაცია და ხდება ამაზე რეაგირება“, - აცხადებს პარმენ მარგველიძე.

ავტორი: ექსპრესნიუსი,

სოციალური ქსელები

„გახარია საქართველოსთვის“ მოსკოვსა და ცხინვალს შორის „შეთანხმების“ წინააღმდეგ რეზოლუციის ინიციატივით გამოდის

თითქოს სიღარიბის შემცირების გამო, რეჟიმი სოციალური დახმარებას გადახედავს, დავალება უწყებებმა უკვე მიიღეს

პროკურატურამ ჩოხატაურში მომხდარ მკვლელობაზე ერთ პირს ბრალი წაუყენა

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება