ყოფილი კონგრესმენი ადამ კინზინგერი "ქართული ოცნების" თავმჯდომარის, ირაკლი კობახიძის მიერ საქართველოში აშშ-ის ელჩთან, კელი დეგნანთან დაკავშირებით გაკეთებულ განცხადებას გამოეხმაურა.

კინზინგერი ირაკლი კობახიძეს ახსენებს, რომ რუსეთმა მისი მოქალაქეები მოკლა და ამ დრომდე ოკუპირებული აქვს ქვეყნის 20% და უსვამს შეკითხვას, თუ რამდენს უხდიან, მას იმისთვის, რომ "სული გაყიდოს".

"რუსეთმა მოკლა შენი მოქალაქეები და ოკუპირებული აქვს შენი ქვეყნის 20%. რამდენს გიხდიან ისინი, რომ მათ დასაცავად სული გაყიდო? თმა შეიჭერი ირაკლი და შენს სულში ჩაიხედე. დახმარება გჭირდება", - წერს კინზინგერი Twitter-ზე.

შეგახსენებთ, ირაკლი კობახიძემ განაცხადა, რომ მოსაზრება, რომელიც აშშ-ის ელჩმა კელი დეგნანმა რუსების შემოსვლასთან დაკავშირები განაცხადა, ქართველი ხალხი არ იზიარებს და დასძინა, რომ ქართველი ხალხის სახელით საუბარი არ არის არც ერთი ელჩის საქმე.

საქართველოში ამერიკის შეერთებული შტატების ელჩმა, კელი დეგნანმა ბათუმში სოჭიდან საკრუიზო ლაინერის შემოსვლასთან დაკავშირებით გამართულ საპროტესტო აქციაზე განაცხადა: "არავინ უნდა ელოდოს ქართველებისგან, რომ მიესალმებიან ხალხს იმ ქვეყნიდან, რომელსაც საქართველოს 20% ოკუპირებული აქვს".

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს