მოღალატეობრივი, კოლაბორაციონისტი ხელისუფლების მხრიდან პატრიოტების რეაქციებს თუ ქაჯობას უწოდებს ვინმე, ეს მგონი უფრო მეტად ამხელს მათ პოლიტიკურ მოტივაციას, - ასე ეხმაურება „ერთიანი ნაციონალური მოძრაობის“ ფრაქციის თავმჯდომარე თინა ბოკუჩავა საკრუიზო ლაინერთან დაკავშირებულ პროტესტზე "ქართული ოცნების" თავმჯდომარის, ირაკლი კობახიძის განცხადებას.

როგორც ბოკუჩავა აღნიშნავს, საქართველოს მოქალაქეები ბათუმის ნავსადგურში სოჭიდან საკრუიზო გემის შემოსვლის გამო გამართულ საპროტესტო აქციაზე საქართველოს ღირსებას იცავდნენ.

„მოღალატეობრივი, კოლაბორაციონისტი ხელისუფლების მხრიდან პატრიოტების რეაქციებს თუ ქაჯობას უწოდებს ვინმე, ეს მგონი უფრო მეტად ამხელს მათ პოლიტიკურ მოტივაციას. გუშინ ჩვენ ვნახეთ, რომ საქართველოს პატრიოტები იცავდნენ ჩვენი ქვეყნის ღირსებას, რომელზეც უარი თქვა და გაყიდა ივანიშვილის რუსულმა რეჟიმმა. მე დარწმუნებული ვარ, რომ მომავალშიც ასე იქნება და ყველა საკვანძო მომენტში საქართველოს მოქალაქეები აჩვენებენ ივანიშვილის რეჟიმს, რომ მისი საქართველოს რუსიფიკაციის მცდელობა ყოველთვის წარუმატებელი იქნება",- განაცხადა ბოკუჩავამ.

ცნობისთვის, საკრუიზო გემი ASTORIA GRANDE, რომელმაც მოგზაურობა სოჭიდან დაიწყო, ბათუმის ნავსადგურში გუშინ, 27 ივლისს შემოვიდა.

აღნიშნულს თბილისსა და ბათუმში აქციები, სახელწოდებით "არა რუსიფიკაციას" მოჰყვა.

ბათუმის პორტი ASTORIA GRANDE-მ გუშინვე საქართველოს ჰიმნისა და საპროტესტო შეძახილების ფონზე დატოვა.

"ქართული ოცნების" თავმჯდომარე ირაკლი კობახიძე აღნიშნულ პროტესტს გამოეხმარა და ქაჯობა უწოდა.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს