თბილისში აშშ-ის საელჩო არასდროს ჩართულა საქართველოს ყოფილი პრეზიდენტის, მიხეილ სააკაშვილის ლობირებაში,- ამის შესახებ ამერიკის შეერთებული შტატების სახელმწიფო დეპარტამენტის პრესსპიკერის მოადგილემ, ვედანტ პატელმა განაცხადა.

პატელის თქმით, არ იცის, რატომ კეთდება ლობირებასთან დაკავშირებით განცხადებები.

"რომელიმე მხარის ფსიქოლოგიურ შეფასებას არ ვაპირებ. მე არ ვიცი, რის გამო აკეთებენ ამ განცხადებებს, მაგრამ მსურს, კიდევ ერთხელ გავიმეორო - თბილისში აშშ-ის საელჩო არასდროს ჩართულა საქართველოს ყოფილი პრეზიდენტის, მიხეილ სააკაშვილის ლობირებაში. ჩვენ შეგვიძლია ეს დარწმუნებით გითხრათ“,- განაცხადა პატელმა.

ცნობისთვის, ლობირების თემასთან დაკავშირებით გუშინ, 26 ივლისს განცხადება გაავრცელა საქართველოში აშშ-ის საელჩომაც. საელჩოს განცხადების მიხედვით "ინფორმაცია, რაც ამტკიცებს ან გულისხმობს, რომ საელჩოს თანამშრომლებმა ფული მიიღეს ლობისტური ფირმებისგან, ერთმნიშვნელოვნად ცრუ და უპასუხისმგებლოა".

ავტორი: ექსპრესნიუსი,

სოციალური ქსელები

როგორც მოსკოვში - თეთრი ფურცლის დაჭერისთვის პოლიციამ აქტივისტი ნოდარი წიწარიშვილი დააკავა

საქართველოს ეროვნული ბანკი: ბანკები „თელასის“ ლარში მომსახურებას გააგრძელებენ

BOG-ის გზავნილების გათამაშება დაიწყო - მოიგე 1 000₾ ყოველდღე ან 10 000₾ სუპერპრიზი

TBC შეთავაზება ბიზნესებს - სალარო აპარატი და POS ტერმინალი ერთ მოწყობილობაში, უფასოდ