ქედის მუნიციპალიტეტის მერი როლანდ ბერიძე რუმინეთის ქალაქ არგესში საოლქო საბჭოს, კულტურისა და ხელოვნების საოლქო ცენტრის მიერ გამართულ ხალხური ცეკვების საერთაშორისო ფესტივალში „CARPATI-2023“ მონაწილე დელეგაციას შეხვდა, რომლებმაც არაერთი პრიზები და სიგელები ჩამოიტანეს. აღნიშნულის შესახებ ინფორმაციას ქედის მუნიციპალიტეტის მერია ავრცელებს.

მათი ცნობით, ფესტივალში „CARPATI-2023“ 11 სხვადასხვა ქვეყნის ქორეოგრაფიული და ფოლკლორული ანსამბლები მონაწილეობდა, მათ შორის საქართველოს სახელით ქედის ქორეოგრაფიული ანსამბლი „ბეთლემი“ წარსდგა მაყურებლის წინაშე.

„ფესტივალი 15 ივლის ოფიციალურად გაიხსნა და ოფიციალური შეხვედრები გაიმართა რუმინეთის ქალაქ არგესის მერთან და კულტურის მინისტრთან.

ვიზიტის ფარგლებში ქალაქ მიოვენში და ტოპოლოვენში მოეწყო საზეიმო მსვლელობები და კონცერტი, რომელშიც ქედის კულტურის სახლთან არსებულმა ქორეოგრაფიულმა ანსამბლმა „ბეთლემმა“ საუკეთესო ანსამბლის წოდება მიიღო. საქართველოს სახელით, რუმინეთში ოფიციალური ვიზიტით ქედის საკრებულოს თავმჯდომარის პირველი მოადგილე რომან დავითაძე, ააიპ კულტურის ცენტრის ხელმძღვანელი ჯამბულ სურმანიძე, შპს ქედის ტურიზმის განვითარების ხელშეწყობის ცენტრის ხელმძღვანელი რაულ ცინცაძე, ანსამბლი „ბეთლემი“ და ანსამბლის ხელმძღვანელები იმედა ფარტენაძე და მზია ტუნაძე იმყოფებოდნენ“,- აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

მეუფე ზენონი: ეკლესიის პასუხისმგებლობაა, შეახსენოს ყველას, ძალაუფლება არ დგას კანონზე მაღლა

„ისინი არასტაბილურ მდგომარეობაში არიან.“ ესტონეთმა რუსეთთან მოლაპარაკებების შეწყვეტისკენ მოუწოდა

უკრაინაში რუსეთის დანაშაულებზე სპეციალური ტრიბუნალი ჰააგაში განთავსდება

ივანიშვილის რეჟიმმა, 8 თვის ორსული უკრაინელი ჟურნალისტი საქართველოში არ შემოუშვა