|
2023-07-22 18:08:29, 1300 ნახვა
პოლიტიკა
მათიკაშვილი ვაშაძე-ხაბეიშვილზე - ორი ხელმოცარული პოლიტიკოსის პოლიტიკური ქორწინება დასრულდება სრული ფიასკოთი
ორი ხელმოცარული პოლიტიკოსის პოლიტიკური ქორწინება დასრულდება სრული ფიასკოთი,- ასე ეხმაურება საპარლამენტო უმრავლესობის წევრი დავით მათიკაშვილი „სტრატეგია აღმაშენებლის“ და „ნაციონალური მოძრაობის“ გაერთიანებას. მათიკაშვილის თქმით, ორივე პოლიტიკური ჯგუფის მხარდაჭერა "ფსკერს ქვემოთაა". „ერთი და მეორე პოლიტიკური ჯგუფის ელექტორალური მხარდაჭერა არის ფსკერს ქვემოთ. რეალურად მათ არ გააჩნიათ არანაირი რესურსი იმის, რომ თუნდაც ცალ-ცალკე, ან ერთად გაერთიანებულმა რაიმე სახის პოლიტიკური შედეგი დადონ არჩევნებზე. ამიტომ ეს არის კიდევ ერთხელ ხელმოცარული მცდელობა ორი სრულიად ხელმოცარული პოლიტიკოსის, რომ თითქოს მათი ჭკუით ღირებული შექმნან არჩევნებზე, რომელიც არის სრული ფიასკოთი განწირული. კიდევ ერთხელ ვიმეორებ, ეს იმდენად ნათელი ჭეშმარიტებაა, რომ საზოგადოებაში ეჭვს აღარ იწვევს. გვახსოვს სხვადასხვა ხასიათის გაერთიანებები, სხვადასხვა ფანჩატურებში ამ პირების შეკრებები, ქორწინებები, მერე განქორწინებები, შემდეგ მცდელობები, რომ საზოგადოება მოატყუონ იმიტომ, რომ მთელი შინაარსი ამ პოლიტიკური აქტის ასე ვთქვათ, თუ შეიძლება მას ასე დავარქვათ, არის ტყუილი, იმიტომ რომ არც ერთი და არც მეორე მხარე საქართველოზე არ ფიქრობს იმიტომ, რომ მათ გააჩნიათ საკუთარი ვიწრო პარტიული ინტერესები, რომელიც არ არის რეალიზებადი ჩვენს ქვეყანაში იმ არსებული ნულს ქვემოთ რეიტინგიდან გამომდინარე, რომელიც კერძოდ ვაშაძეს გააჩნია. რაც შეეხება „ნაციონალურ მოძრაობას“, მათი რეიტინგი ყოველდღიურად ეცემა და 2024 წლისთვის რა სახით წარდგებიან ისინი რეიტინგულად საზოგადოების წინაშე, ძალიან დიდი კითხვის ნიშანი შეიძლება დავუსვათ ამ საკითხს",- განაცხადა მათიკაშვილმა ცნობისთვის, 20 ივლისს "ნაციონალური მოძრაობისა" და "სტრატეგია აღმაშენებლის" ლიდერებმა ახალი პოლტიკური პლატფორმის შექმნის შესახებ გამოაცხადეს.
|
რედაქტორის რჩევით
რატომ უნდა ივანიშვილი-კობახიძის დუეტს მოსახლეობის უფრო მეტად გაღატაკება
რატომ იყენებს სიტყვა „რეჟიმს“ კრიტიკული მედია და როგორ ებრძვის ივანიშვილის ხელისუფლება ტერმინებს
ომი უკრაინაში
უკრაინაში დააკავეს მართლმადიდებელი მღვდელი, რომელიც რუს ოკუპანტებს რაკეტების დარტყმის სამიზნეებს აძლევდა
დიდი ხნის შემდეგ პირველად, რუსული არმია ზაპორიჟიესა და დნიპროპეტროვსკის მიმართულებებიდსნ უკან იხევს
ვიდეო/LIVE პატრიარქის ილია მეორის დაკრძალვა - პირდაპირი
თბილისში ტრამპ თაუერის აშენება ივანიშვილის შვილის ნაწილობრივ საკუთრებაში არსებულ მიწაზე იგეგმება
დღის თემა
|


ავტორი: ექსპრესნიუსი,



epn.ge (@expressnews.ge)