88 წლის ასაკში საქართველოს სახალხო არტისტი, ანსამბლ „სუხიშვილების“ ყოფილი მოცეკვავე ომარ მხეიძე გარდაიცვალა.

აღნიშნულ ინფორმაციას ფოლკლორის სახელმწიფო ცენტრი ავრცელებს.

"გარდაიცვალა გამორჩეული, ყველასთვის საყვარელი ომარ მხეიძე. ლეგენდარული სუხიშვილების სოლისტი. ნინო რამიშვილის განუმეორებელ პარტნიორი, საქართველოს დამსახურებული არტისტი, საუკუნის მოცეკვავე.

ფოლკლორის სახელმწიფო ცენტრი ღრმა მწუხარებას გამოთქვამს, ვუსამძიმრებთ ოჯახს, ქორეოგრაფიულ საზოგადოებას და მთელ საქართველოს",- ნათქვამია ფოლკლორის სახელმწიფო ცენტრის განცხადებაში.

ომარ მხეიძის გარდაცვალების გამო მწუხარება გამოთქვა საქართველოს პრემიერ-მინისტრმა, ირაკლი ღარიბაშვილმა.

„ღრმა მწუხარებას გამოვხატავ ლეგენდარული მოცეკვავის, ომარ მხეიძის გარდაცვალების გამო. ბატონი ომარი ათწლეულების განმავლობაში ერთგულად ემსახურებოდა ქართული ფოლკლორის განვითარებასა და პოპულარიზაციას; მისმა შემოქმედებამ მსოფლიოში მილიონობით ადამიანს გააცნო საქართველო, როგორც უძველესი და თვითმყოფადი კულტურის ქვეყანა, ხოლო საკუთარ სამშობლოში ხალხის დიდი სიყვარული და აღიარება მოუტანა. გულწრფელ თანადგომას და სამძიმარს ვუცხადებ ბატონი ომარის ოჯახის წევრებს, მეგობრებსა და მთელ ჩვენს საზოგადოებას",- აცხადებს ღარიბაშვილი.

ომარ მხეიძე 1953 წლიდან იყო საქართველოს ხალხური ცეკვის ანსამბლის („სუხიშვილები“) წამყვანი სოლისტი. საცეკვაო კარიერის დასრულების შემდეგ, 1984-1989 წლებში იყო თბილისის სადღესასწაულო რიტუალების სასახლის დირექტორი.

2011 წელს თბილისის დიდ საკონცერტო დარბაზთან გაიხსნა მისი სახელობის ვარსკვლავი, ხოლო 2014 წელს საქართველოს ქორეოგრაფიის მოღვაწეთა შემოქმედებითმა კავშირმა საუკუნის მოცეკვავის წოდება მიანიჭა.

ავტორი: ექსპრესნიუსი,

სოციალური ქსელები

მოსკოვმა კიევზე ახალი დარტყმების განხორციელების შესახებ განაცხადა და უცხოელებს ქალაქის დატოვებისკენ მოუწოდა

ლელო აშშ-ის სახელმწიფო დეპარტამენტის დელეგატებთან შეხვედრის შესახებ: „ჩვენი პოზიციები ძირითადად ემთხვევა“

პუტინმა ხელი მოაწერა კანონს, რომელიც აფართოებს რუსეთსა და ცხინვალს შორის ინტეგრაციას

დასაქმებულთა რაოდენობის კლება დიდწილად სოცდასაქმების პროგრამის გაჩერებას უკავშირდება - G&T