გაცდენების ნახევარზე მეტი დაგროვდა და ამის გამო განიხილება საპროცედურო საკითხთა კომიტეტზე ეს საკითხი,- ასე ეხმაურება "ქართული ოცნების" თავმჯდომარე ირაკლი კობახიძე ინფორმაციას, რომლის მიხედვითაც, პარლამენტი მმართველი პარტიის დეპუტატის, დავით სერგეენკოს უფლებამოსილების ვადამდე შეწყვეტის საკითხზე იმსჯელებს.

როგორც კობახიძემ ჟურნალისტებს უთხრა, გადაწყვეტილება ჯერ მიღებული არ არის.

"კონსულტაციები გვექნება ბატონ დავითთან და ამის საფუძველზე მივიღებთ საბოლოო გადაწყვეტილებას... ბატონი დავითი არის ჩვენი მეგობარი. გვექნება მეგობრული კონსულტაციები და ამის საფუძველზე მივიღებთ გადაწყვეტილებას იმასთან დაკავშირებით, რამდენად სურს პარლამენტში მუშაობის გაგრძელება",- განაცხადა კობახიძემ.

ცნობისთვის, პარლამენტის ოფიციალურ ვებგვერდზე გამოქვეყნებული დღის წესრიგის მიხედვით, სერგეენკოსთვის დეპუტატის უფლებამოსილების ვადამდე შეწყვეტის საკითხზე საპროცედურო საკითხთა და წესების კომიტეტი იმსჯელებს.

კომიტეტის სხდომა 14 ივლისს არის ჩანიშნული.

ავტორი: ექსპრესნიუსი,

სოციალური ქსელები

ბრიტანეთის ახალი პრემიერ-მინისტრი ზელენსკის შეხვდა და მას „100%-იანი“ მხარდაჭერა გამოუცხადა

როგორც მოსკოვში - თეთრი ფურცლის დაჭერისთვის პოლიციამ აქტივისტი ნოდარი წიწარიშვილი დააკავა

საქართველოს ეროვნული ბანკი: ბანკები „თელასის“ ლარში მომსახურებას გააგრძელებენ

BOG-ის გზავნილების გათამაშება დაიწყო - მოიგე 1 000₾ ყოველდღე ან 10 000₾ სუპერპრიზი