საქართველოს ტყის კოდექსის შესაბამისად, დაცული ტერიტორიების სააგენტომ ახალი მეთოდოლოგია შეიმუშავა, რაც იძლევა ადგილობრივი მოსახლეობის მერქნულ რესურსებთან წვდომის გაუმჯობესების შესაძლებლობას და სრულ თანხვედრაშია საერთაშორისოდ აღიარებულ მდგრადი გამოყენების პრინციპებთან. აღნიშნულის შესახებ ინფორმაციას დაცული ტერიტორიების სააგენტო ავრცელებს.

მათი ცნობით, ახალ მოდელზე გადასვლა ხელს შეუწყობს დაცული ტერიტორიების ტყეების მდგრად მართვას და ბიომრავალფეროვნების დაცვას.

„შემუშავებული მეთოდოლოგიის საჯარო განხილვა პროექტის „მდგრადი განვითარება და დაცული ტერიტორიების მართვის სისტემების გაძლიერება“ ფარგლებში გაიმართა. პროექტის მხარდამჭერები არიან გაეროს განვითარების პროგრამა (UNDP) და შვედეთი, მმართველობის რეფორმის ფონდის (GRF) პროექტის ფარგლებში.

აღსანიშნავია, რომ 2026 წლიდან, დაცული ტერიტორიების სააგენტოსთვის ამოქმედდება საქართველოს ტყის კოდექსში გათვალისწინებული ცვლილება, რაც გულისხმობს სპეციალიზებული ორგანოს მიერ მერქნული რესურსების დამზადებას, დახარისხებას და საქმიან ეზოებში დასაწყობებას. შესაბამისად, ადგილობრივი მოსახლეობა სათბობი მერქნული რესურსების შეძენას მხოლოდ საქმიანი ეზოებიდან შეძლებს“,- აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

მარკო რუბიო სომხეთში ჩავიდა

მაკა ბოჭორიშვილს უმაღლესი დიპლომატიური რანგი მიენიჭება - დანამატის სახით მიიღებს ₾1 360-ს

Euractiv: ევროკავშირს სურს მოლაპარაკებების დაწყება უკრაინის 18 ივნისის სამიტში ჩართვასთან დაკავშირებით.

გვარამია: ხალხისთვის ხელის შეშლას არ ვაპირებთ, როცა დაიშლებიან, მოვახდენთ სცენის მონტაჟს