2023-05-29 16:32:26, 859 ნახვა
მსოფლიო
ფინეთის საგარეო საქმეთა მინისტრი - ეუთო განადგურების წინაშეა
ორგანიზაცია ეუთო განადგურების წინაშეა, - ამის შესახებ ფინეთის საგარეო საქმეთა მინისტრმა, პეკა ჰაავისტომ განაცხადა.
ჰაავისტომ ორგანიზაციის დაშლისა და განადგურების მიზეზად რუსეთი და ბელარუსი დაასახელა, ვინაიდან მათ არ სურთ, ორგანიზაციაში მომდევნო ქვეყნის, ესტონეთის თავმჯდომარეობას მხარი დაუჭირონ.
ეუთო-ს თავმჯდომარეობა როტაციის პრინციპით ხდება. წესების მიხედვით, ახალ თავმჯდომარეს ორგანიზაციის 57-ვე წევრი ქვეყანა ამტკიცებს.
ჰაავისტომ დასძინა, რომ თუ 2024 წელს ეუთო-ს თავმჯდომარეს ვერ აირჩევენ, მომავალი წელი ორგანიზაციის განადგურების წელი იქნება.
ავტორი: ექსპრესნიუსი,
epn.ge (@expressnews.ge)
