"ერთიანმა ნაციონალურმა მოძრაობამ" სემეკ-ს რიგგარეშე სხდომის მოწვევისა და ელექტროენერგიის ტარიფის შემცირების მოთხოვნით ოფიციალური წერილით მიმართა. ამის შესახებ პარტიის თავმჯდომარემ, ლევან ხაბეიშვილმა განაცხადა.

ხაბეიშვილის თქმით, ელექტროენერგიის შემთხვევაში, მინიმუმ 4, ხოლო გაზის შემთხვევაში,  6-7 თეთრის დაკლებაა შესაძლებელი.

„ჩვენ რამდენიმე კვირის წინ მოვითხოვეთ, დოლარის კურსის ცვლილების პარალელურად შემცირებულიყო ტარიფები ელექტროენერგიაზე, გაზსა და წყალზე, რადგან როცა მოუმატეს მოსახლეობას ელექტროენერგიის, გაზის გადასახადი, მაშინ აუწყეს, რომ დოლარის კურსის გამო მოიმატა ტარიფმა. როგორც კი ლარმა გამყარება დაიწყო, ეს არ შეეტყო არავის. მოსახლეობას ჭირის დღესავით სძულს ქვითრის მოსვლა, რადგან ამ ქვითრის გადახდა ძალიან უჭირს და აქ დაფაზე წარმოდგენილია ის სქემა და მილიონები, რამდენ მილიონსაც დოლარის კურსის ცვლილებით იგებს „რუსული ოცნება“ და უჩა მამაცაშვილი.

გუშინ სემეკ-ის თავმჯდომარემ, დავით ნარმანიამ დაადასტურა, რომ ტარიფების შემცირება შესაძლებელია, მაგრამ არ ამცირებენ, რადგან არ იციან, როგორ გაგრძელდება სიტუაცია ქვეყანაში და დოლარის კურსი რა მდგომარეობაში იქნება. თუ მოიმატებს, ისევ მოგვიწევს გაზრდაო და ახლა რომ დაუკლონ მოსახლეობას, ამით რა დაშავდება? ვსაუბრობ ელექტროენერგიაზე და გაზზე, ელექტროენერგიის შემთხვევაში, მინიმუმ 4 თეთრის დაკლებას და გაზის შემთხვევაში, საუბარია 6-7 თეთრის დაკლებაზე. 

“ნაციონალურმა მოძრაობამ“ უკვე მივმართეთ დღეს დილით ოფიციალური წერილით სემეკ-ს. ვითხოვთ რიგგარეშე სხდომის მოწვევას და დოლარის კურსის ცვლილებასთან ერთად, ჩვენი მოსახლეობისთვის ელექტროენერგიის გაიაფებას... ჩვენ ვითხოვთ სემეკ-ისგან სასწრაფო სხდომის ჩატარებას და გუშინ რომ დაადასტურა დავით ნარმანიამ ეს შესაძლებელია, ოფიციალურად მოახდინონ ტარიფების კლება ჩვენი მოსახლეობისთვის“, - განაცხადა ლევან ხაბეიშვილმა.

ავტორი: ექსპრესნიუსი,

სოციალური ქსელები

ფიფა 2026 წლის მსოფლიო ჩემპიონატის ფინალის გადადებას ხანძრების გამო გამორიცხავს - Bloomberg

ზელენსკი სირსკის შემცვლელად მუშაობას განიხილავს - FT

უკრაინის გენერალურმა შტაბმა ნავთობის საცავის გარდა, ტანკერების და გემ „სვეტლიაკის“ დაბობვის შესახებ განაცხადა

ტაქსის ფასებით თურქეთი საქართველოს მეზობლებს შორის ლიდერობს, საქართველო კი მეორე ადგილზეა