„2013 წელს, საქართველომ, საყოველთაო ჯანმრთელობის დაცვის სახელმწიფო პროგრამა დაიწყო  და მას შემდეგ, ამ მიმართულებით, მნიშვნელოვანი ინვესტიციები განახორციელა. არაგადამდები დაავადებები, პრევენციისა და პირველადი ჯანდაცვის პარალელურად, მთავარ პრიორიტეტად რჩება“, - განაცხადა ჯანდაცვის მინისტრის მოადგილე თამარ გაბუნიამ, ჯანმრთელობის მსოფლიო 76-ე ასამბლეის ფარგლებში გამართულ პანელურ დისკუსიაზე. ამის შესახებ ინფორმაციას ჯანდაცვის სამინისტრო ავრცელებს.

ღონისძიების მონაწილეებმა, საკუთარ ქვეყნებში, არაგადამდები დაავადებების მართვისთვის განხორციელებულ რეფორმებსა და სამომავლო გეგმებზე ისაუბრეს. 

თამარ გაბუნიამ, საქართველოში, საყოველთაო ჯანმრთელობის დაცვის სახელმწიფო პროგრამის წარმატებაზე და მისი დახმარებით, არაგადამდები დაავადებების ეფექტურად მართვაზე ისაუბრა. როგორც მინისტრის მოადგილემ აღნიშნა, განსაკუთრებით მნიშვნელოვანია პირველადი ჯანდაცვის საფეხურზე პრევენციული პროგრამების, ადრეული დიაგნოსტიკისა და თავად იშვიათი დაავადების მართვის მრავალსაფეხურიანი კომპონენტი.  

„საყოველთაო პროგრამის ფარგლებში, საქართველოს აქვს წვდომა ქრონიკული დაავადებების მართვისთვის საჭირო მედიკამენტებზე, ეს ძალიან მნიშვნელოვანი მოვლენაა. 2013 წლამდე, აღნიშნული მიმართულება საერთოდ არ ფინანსდებოდა, დღეს კი მისი დაფინანსება 40 მილიონი ლარია“, - განაცხადა თამარ გაბუნიამ. 

ჯანდაცვის მინისტრი ზურაბ აზარაშვილი და მინისტრის მოადგილე თამარ გაბუნია, ჟენევაში, ჯანმრთელობის მსოფლიო ასამბლეაში მონაწილეობენ. საქართველოს დელეგაცია, ღონისძიების ფარგლებში გამართულ დისკუსიებსა და მაღალი რანგის შეხვედრებში მონაწილეობს. ჯანმრთელობის მსოფლიო 76-ე ასამბლეა 24 მაისს დასრულდება.

ავტორი: NS (სტატია დაფინანსებულია),

სოციალური ქსელები

ფიფა 2026 წლის მსოფლიო ჩემპიონატის ფინალის გადადებას ხანძრების გამო გამორიცხავს - Bloomberg

ზელენსკი სირსკის შემცვლელად მუშაობას განიხილავს - FT

უკრაინის გენერალურმა შტაბმა ნავთობის საცავის გარდა, ტანკერების და გემ „სვეტლიაკის“ დაბობვის შესახებ განაცხადა

ტაქსის ფასებით თურქეთი საქართველოს მეზობლებს შორის ლიდერობს, საქართველო კი მეორე ადგილზეა