2023-05-13 16:06:38, 1493 ნახვა
ომი უკრაინაში
სირსკი - ბახმუტის მიმართულებით ჩვენი ჯარისკაცები ფრონტის ზოგიერთ რაიონში წინ მიიწევენ
ბახმუტის მიმართულებით უკრაინელი ჯარისკაცები ფრონტის ზოგიერთ რაიონში წინ მიიწევენ,- აღნიშნულის შესახებ უკრაინის სახმელეთო ძალების მეთაურმა, გენერალმა ალექსანდრე სირსკიმ განაცხადა.
სირსკის თქმით, მტერი აღჭურვილობას და ცოცხალ ძალას კარგავს.
"ბახმუტის მიმართულებით თავდაცვითი ოპერაცია გრძელდება. ჩვენი ჯარისკაცები ფრონტის ზოგიერთ რაიონში წინ მიიწევენ, მტერი [სამხედრო] აღჭურვილობას და ცოცხალ ძალას კარგავს. დიდება უკრაინას და ჩვენს გმირებს!",- განაცხადა სირსკიმ.
ცნობისთვის, გუშინ, 12 მაისს უკრაინის თავდაცვის მინისტრის მოადგილე ანა მალიარმა განაცხადა, რომ უკრაინულმა ძალებმა ბახმუტის მიმართულებით 2 კმ-ით წინ წაიწიეს, ამ კვირაში არცერთი პოზიცია არ დაუკარგავთ.
ავტორი: ექსპრესნიუსი,
epn.ge (@expressnews.ge)
