რუსეთი უკრაინას „მარცვლეულის შეთანხმების“ დარღვევაში ადანაშაულებს

2023-04-25 11:21:37, 1079 ნახვა

მსოფლიო

რუსეთის ფედერაციის თავდაცვის სამინისტრო უკრაინას "მარცვლეულის შეთანხმების" დარღვევაში ადანაშაულებს.

თავდაცვის უწყების მტკიცებით, 23-24 აპრილს, უკრაინამ ოკუპირებულ სევასტოპოლში, შავი ზღვის ფლოტის ბაზასა და ყირიმის სამოქალაქო ინფრასტრუქტურაზე თავდასხმები განხორციელა.

მათივე ცნობით, გარდა ამისა, უეკიპაჟო კატერები, რომლებიც "შავი ზღვის ინიციატივის" რეალიზაციისთვის არის განკუთვნილი, ოდესის პორტის მიმდებარე წყლებიდან გაუშვეს.

რუსეთის თავდაცვის სამინისტრო გავრცელებულ განცხადებაში უთითებს, უკრაინამ „საფრთხის ქვეშ დააყენა მარცვლეულის შეთანხმების გაგრძელება 18 მაისის შემდეგ“.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,