აშშ-ს პრეზიდენტმა ჯო ბაიდენმა განაცხადა, რომ რუსეთის ხელისუფლების მიერ Wall Street Journal-ის ჟურნალისტის ევან გერშკოვიჩის დაკავება "სრულიად უკანონოა".

„ჩვენ ცხადყოფთ, რომ ის, რაც გერშკოვიცთან ხდება, სრულიად უკანონოა“, - თქვა ბაიდენმა.

ორშაბათს აშშ-ს სახელმწიფო დეპარტამენტმა გერშკოვიჩი "არასწორად დაკავებულად" აღიარა. ეს სტატუსი მძევლის სტატუსის ტოლფასია და ამერიკის საგარეო საქმეთა სამინისტროს გადაწყვეტილება არის ფორმალური ნაბიჯი, რომლის მიზანია გერშკოვიჩის გათავისუფლებაზე მუშაობის გამარტივება და დაჩქარება.

ევან გერშკოვიჩი ეკატერინბურგში მარტის ბოლოს დააკავეს. რუსეთის FSB ირწმუნება, რომ გერშკოვიჩი "დაკავებული იყო რუსეთის სამხედრო-სამრეწველო კომპლექსის ერთ-ერთი საწარმოს შესახებ ინფორმაციის შეგროვებით, რაც სახელმწიფო საიდუმლოებას წარმოადგენს". გერშკოვიჩს ჯაშუშობაში წაუყენეს ბრალი და წაიყვანეს მოსკოვში, სადაც სასამართლომ იგი ორი თვით დააკავა.

გერშკოვიჩი არ აღიარებს მის წინააღმდეგ წაყენებულ ბრალდებას. მსოფლიოს 30-ზე მეტი მედიასაშუალების ხელმძღვანელმა ხელი მოაწერა წერილს აშშ-ში რუსეთის ელჩს ანატოლი ანტონოვს ჟურნალისტის გათავისუფლების მოთხოვნით.

ავტორი: ექსპრესნიუსი,

სოციალური ქსელები

მაკა ბოჭორიშვილი მარკო რუბიოს მიწვევით ვაშინგტონში მინისტერიალში მიიღებს მონაწილეობას

პირს, რომელიც გორში დედა-შვილს დაეჯახა, პატიმრობა შეეფარდა

ენერგეტიკული კოლაფსი რუსეთში: უკრაინული დარტყმების ფონზე ,,გაზპრომმა” მუშაობა შეწყვიტა

ნაუსედა: ჩვენ გვაქვს სადაზვერვო ინფორმაცია, რომ რუსეთი ლიეტუვის ინფრასტრუქტურაზე თავდასხმებს გეგმავს