2023-03-29 17:15:54, 1029 ნახვა

---

„საქართველოს მოღალატე, პუტინის მონა“ - „უცხოური აგენტების“ კანონპროექტზე ხელმომწერების პოსტერები დედაქალაქში

დედაქალაქის ქუჩებში "ხალხის ძალის" მიერ ინიცირებული "უცხოური აგენტების" კანონპროექტზე ხელმომწერი პოლიტიკოსების პოსტერები გამოჩნდა, წარწერებით - "საქართველოს სირცხვილი", "მოღალატე" და  "პუტინის მონა".

მომხდარ ფაქტს "ნაციონალური მოძრაობის" თავმჯდომარე ლევან ხაბეიშვილი გამოეხმაურა და განაცხადა, რომ როდესაც "ადამიანი ქვეყანას ღალატობს, პუტინისტობს და საქართველოს ოკუპანტ ქვეყანაში ექაჩება", საზოგადოებას აღნიშნულზე შესაბამისი რეაქცია აქვს.

"რუსული ოცნების და რუსულ კანონზე ხელმომწერების პოსტერები დედაქალაქში - როცა ქვეყანას ღალატობ, პუტუნისტობ და საქართველოს, ოკუპანტ ქვეყანაში ექაჩები, შესაბამისი რეაქცია აქვს ხალხს.

ჩვენი ქვეყნის მომავალი ევროპაშია", - წერს ხაბეიშვილი სოციალურ ქსელში.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი