წელის ორთოპედიულ ქამრებს სხვადასხვა ასაკის ადამიანები განსხვავებული მიზეზით იყენებენ.  ეს პროდუქტები ზურგის არეში ტკივილის შემცირებასა და  ხერხემლის ანატომიურად სწორი მდგომარეობის აღდგენას უზრუნველყოფს. ორთოპედიულ წელის ქამრებს გამოიყენებენ ისეთი დაავადებების დროსაც, როგორიცაა: ხერხემლის თანდაყოლილი პათოლოგიები, ზურგის სვეტის დაზიანებები, თეთრი ხაზის ან მალთაშუა დისკის თიაქარი, ოსტეოპოროზი და რადიკულიტი. 

  წელის ქამრებს სხვადასხვა დანიშნულება აქვს, მაგალითად, მრავლობითი მოტეხილობის, კიფოზის, რთული სქოლიოზის ან მრავლობითი თიაქრის არსებობის შემთხვევაში ე.წ გულ-მკედრ-წელის, ანუ ხერხემლის, კორსეტის ტარებაა რეკომენდებული. წელის სტანდარტული კორსეტი   კი, რომელიც დამზადებულია ანტიალერგიული ქსოვილისაგან და პლასტმასის ჩანართები აქვს, წელისა და ზურგის მწვავე ტკივილის შესამსუბუქებლად გამოიყენება. რაც შეეხება, ოსტეოართრიტს, ოსტეოპოროზს, სქოლიოზსა  და ხერხემლის კუნთების დაჭიმულობას - ამ დროს ზურგის ჩანართიანი კორსეტია ეფექტური. ორთოპედიული წელის ქამრების ზომა ძირითადად ჭიპის დონეზე წელის გარშემოწერილობის მიხედვით შეირჩევა,  ამიტომ,  პროდუქტის მეტი ეფექტურობისა და კომფორტული მოხმარებისთვის, დააკვირდით მწარმოებლის მიერ ყუთზე დატანილ ზომის ცხრილს. წელის ქამრებს ასევე, აქტიურად გამოიყენებენ ორსულები - ძირითადად, მესამე ტრიმესტრში. ხოლო, პოსტურული დარღვევებისა და მსუბუქი ხარისხის კიფოზის დროს წელის ორთოპედიული ქამრები ხელმისაწვდომია ზურგდამჭერითა და მის გარეშე. 

წელის ორთოპედიული ქამრებისა და ბანდაჟების გამოყენება მარტივად,  ტანსაცმლის შიგნითაც არის შესაძლებელი, ვინაიდან, აღნიშნული პროდუქცია, ძირითადად, ბამბის ელასტიური მასალისგან არის დამზადებული, რაც მაქსიმალურად ამცირებს გაოფლიანებას მისი შიშველ კანზე მოხმარების დროს.  წელის ქამრების ტარების პერიოდი  ინდივიდუალურად, ჯანმრთელობის მდგომარეობის მიხედვით განისაზღვრება. უმჯობესია,  რომ აღნიშნული პროდუქციის გამოყენებამდე რეკომენდაციები პირადი ექიმისგან მიიღოთ და მისი მითითების შესაბამისად დაიწყოთ მკურნალობა.

ავტორი: R (რეკლამა),

სოციალური ქსელები

“ქეშბექობანა” - ლიბერთის ლოიალობის პროგრამა Cashback-ის და VISA-ს განსაკუთრებული შეთავაზებები ბავშვებისთვის

ბრიტანული დაზვერვა: უკრაინაში ომში თითქმის ნახევარი მილიონი რუსი ჯარისკაცი დაიღუპა

აშშ-ის სახელმწიფო დეპარტამენტის დელეგაციასთან კოალიცია ცვლილებისთვის ლიდერებმა შეხვედრა გამართეს

1 ივნისის შეთავაზებები მოსწავლეებისთვის საქართველოს ბანკის sCoolApp-ში