15:35 - 28 May, 2026
ჩვენ შესახებ რეკლამა/ხელმოწერა
2022-12-30 14:44:13, 1111 ნახვა

საზოგადოება
მარნეულის სამხედრო ბაზაზე ღია კარის დღე გაიმართა

საქართველოს თავდაცვის სამინისტროს ინფორმაციით, მარნეულში, შერეული საავიაციო ესკადრილიის ბაზაზე, ქალაქ დმანისის N1 საჯარო სკოლის მოსწავლეებისთვის ღია კარის დღე გაიმართა.

უწყების ცნობით, ბავშვებს სამხედრო მოსამსახურეებმა უმასპინძლეს, ჯარისკაცების საცხოვრებელი და სამუშაო პირობები გააცნეს და ბაზის ინფრასტრუქტურა დაათვალიერებინეს.

„სტუმრებისთვის ყველაზე საინტერესო სამხედრო ბაზის ტერიტორიაზე გამოფენილი საავიაციო და საჰაერო თავდაცვის საშუალებების გაცნობა აღმოჩნდა. მათ საჰაერო თავდაცვის საშუალებების, ასევე, სხვა სახის ტექნიკისა და შეიარაღების მახასიათებლების შესახებ ინფორმაცია უშუალოდ სამხედრო მოსამსახურეებისგან მიიღეს. დღის ბოლოს მოსწავლეებმა ბრიგადის სასადილოში „ჯარისკაცის ულუფაც“ დააგემოვნეს.

საქართველოს მასშტაბით თავდაცვის ძალების ბაზებზე ღია კარის დღეები რეგულარულად იმართება. დმანისის N1 საჯარო სკოლის მეცხრე კლასის მოსწავლეების ვიზიტი კი პირველად მაღალმთიანი რეგიონების საჯარო სკოლებში მიმდინარე საპილოტე საგნის „სამხედრო საქმე“ ფარგლებში გაიმართა. მოსწავლეებს კვირაში ერთხელ გაკვეთილს სპეციალურად გადამზადებული მოქმედი სამხედრო ოფიცრები უტარებენ. ახალ საგანმანათლებლო პროგრამაში ჩართული სხვადასხვა რეგიონის მოსწავლეები სამხედრო ბაზებს ეტაპობრივად ესტუმრებიან,“ - აღნიშნულია სამინისტროს მიერ გავრცელებულ ინფორმაციაში.





ავტორი: NS (სტატია დაფინანსებულია),


სოციალური ქსელები
ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა
კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს
კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია
ევროკავშირი რუსეთისგან მოითხოვს ცხინვალის რეგიონიდან, აფხაზეთიდან და დნესტრისპირეთიდან მისი გაყვანას
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics