2022-12-21 15:46:55, 1438 ნახვა

---

„თიბისი“, სათხილამურო ფედერაცია და სილქნეტი ერთად უმასპინძლებენ ბაკურიანში 2023 წლის ფრისტაილის, სნოუბორდისა და ფრისკის მსოფლიო ჩემპიონატს

„თიბისიმ“ და საქართველოს სათხილამურო ფედერაციამ პარტნიორობის შეთანხმება გააფორმეს, რომელიც ითვალისწინებს 2023 წლის 19 თებერვალი - 5 მარტის პერიოდში ბაკურიანში ფრისტაილის, სნოუბორდისა და ფრისკის მსოფლიო ჩემპიონატის ჩატარებას. ჩემპიონატის ორგანიზატორია საქართველოს სათხილამურო ფედერაცია, ხოლო პარტნიორები - „თიბისი“ და სილქნეტი.
შეთანხმებას ხელი მოაწერეს „თიბისის“ გენერალურმა დირექტორმა ვახტანგ ბუცხრიკიძემ და საქართველოს სათხილამურო ფედერაციის პრეზიდენტმა, ზურაბ კოსტავამ. ღონისძიებაში მონაწილეობა მიიღო საქართველოს სათხილამურო ფედერაციის პრეზიდენტის მრჩეველმა და სილქნეტის სამეთვალყურეო საბჭოს თავმჯდომარემ, გიორგი რამიშვილმა. 

ბაკურიანში დაგეგმილი მსოფლიო ჩემპიონატი ზამთრის სპორტის მთავარი მოვლენაა, რადგან  საქართველომ ისტორიაში პირველად მოიპოვა უფლება, რომ ფრისტაილის, სნოუბორდისა და ფრისბის მსოფლიო ჩემპიონატს უმასპინძლოს. მსოფლიო ჩემპიონატის საქართველოში ჩატარება 2018 წლის მაისში საბერძნეთის კურორტ კოსტა ნავარინოში გამართულ საერთაშორისო სათხილამურო ფედერაციის 51-ე სათხილამურო კონგრესზე გადაწყდა. 

„თიბისი“ ყოველთვის იქ არის, სადაც დიდი და კარგი საქმეები კეთდება. ჩემთვის ძალიან საამაყოა, რომ სათხილამურო ფედერაციასთან და სილნეტთან პარტნიორობის ფარგლებში ვუმასპინძლებთ ფრისტაილის მსოფლიო ჩემპიონატს ბაკურიანში, რომელიც ჩვენი ქვეყნის სპორტულ ცხოვრებაში ისტორიული მოვლენაა. „თიბისი“ ყოველთვის უჭერდა მხარს ჯანსაღი ცხოვრების წესის დანერგვასა და პოპოულარიზაციას, განსაკუთრებით ახალგაზრდებში. ამ მიზნით, არაერთი პროექტის ინიციატორი, მხარდამჭერი და პარტნიორები ვართ. საქართველოს სათხილამურო ფედერაციასთან თანამშრომლობა დიდ შესაძლებლობას იძლევა, რათა „თიბისიმ“ კიდევ უფრო დიდი წვლილი შეიტანოს სპორტული აქტივობების პოპულარიზაციაში და ჩაერთოს მთავარი სპორტული მოვლენების ორგანიზებაში“ - აცხადებს ვახტანგ ბუცხრიკიძე. 

"20 წელიწადზე მეტია, რაც ჩვენი ჯგუფი, ბოლო ათწლეულის განმავლობაში კი კომპანია სილქნეტი, საქართველოს სათხილამურო ფედერაციის გენერალური სპონსორია და დიდი წვლილი მიუძღვის მსოფლიო ჩემპიონატის საქართველოში ჩატარების საქმეში. ჩვენი მხარდაჭერით ფედერაცია ხელს უწყობს საქართველოს, როგორც ტურიზმის და ზამთრის სპორტის მასპინძელი ქვეყნის, პოტენციალის ამაღლებას და ზამთრის სპორტის პოპულარობის გაზრდას ახალგაზრდა თაობებში. ეს ნამდვილად დიდი საქმეა და მიხარია, რომ ქვეყნისთვის მნიშვნელოვან საქმეში დღეს ღირსეული პარტნიორი - „თიბისი“ შემოგვიერთდა, რისთვისაც მათ დიდი მადლობა მინდა გადავუხადო. საქართველოს მთავრობის უპრეცედენტო მხარდაჭერით უმაღლესი ხარისხის ინფრასტრუქტურის განვითარების საქმეში და კერძო სექტორის ჩართულობით დღეს უკვე შესაძლებელია იმ ოცნების რეალობად ქცევა, რაც რამდეიმე წლის წინ წარმოუდგენელი იყო." - გიორგი რამიშვილი, საქართველოს სათხილამურო ფედერაციის პრეზიდენტის მრჩეველი, სილქნეტის სამეთვალყურეო საბჭოს თავმჯდომარე.

 

---

ავტორი: R (რეკლამა),

---

დღის თემა

მთავარი თემა

ინტერვიუ - ექსკლუზივი