თუ ბელარუსი რუსეთს უკრაინის წინააღმდეგ ომში დახმარებას აღმოუჩენს, ვაშინგტონი მინსკს დამატებით სანქციებს დაუწესებს, - ამის შესახებ ამერიკის შეერთებული შტატების სახელმწიფო დეპარტამენტის პრესსპიკერმა, ნედ პრაისმა განაცხადა.

როგორც პრაისმა ბრიფინგზე აღნიშნა, აშშ "ლუკაშენკოს რეჟიმსა და კრემლს შორის თანამშრომლობის დონეს" ყურადღებით აკვირდება.

"ჩვენ დიდი ყურადღებით ვაკვირდებით ლუკაშენკოს რეჟიმსა და კრემლს შორის თანამშრომლობის დონესა და ბელარუსის თანამონაწილეობას ომში. თუ ბელარუსი რუსეთს უკრაინის წინააღმდეგ ომში დახმარებას აღმოუჩენს, ვაშინგტონი მინსკს დამატებით სანქციებს დაუწესებს, რათა ამ სასტიკ ომში კრემლთან თანამშრომლობის გამო, ლუკაშენკოს პასუხი ვაგებინოთ", - განაცხადა ნედ პრაისმა.

ცნობისთვის, გუშინ, 19 დეკემბერს რუსეთის ფედერაციის პრეზიდენტი მინსკში ჩავიდა. ვლადიმერ პუტინს აეროპორტში ბელარუსის პრეზიდენტი ალექსანდრ ლუკაშენკო დახვდა.

ავტორი: ექსპრესნიუსი,

სოციალური ქსელები

ვაკის პარკის შადრევნის საქმეზე დაკავებული ლაშა ფურცხვანიძე ციხიდან ვადაზე ადრე გაათავისუფლეს

უკრაინის რადამ ახალ პრემიერ-მინისტრად სერგეი კორეცკი დაამტკიცა

ComCom ფორმულას ტერმინების გამო კანონის დარღვევას უკვე მესამედ ედავება

მარია ზახაროვა - საქართველოს დამოუკიდებლობა დასავლეთისთვის ყელში გაჩხერილი ძვალი გახდა