ევროკავშირის წევრი ქვეყნები შეთანხმდნენ, რომ 2023 წელს უკრაინას 18 მილიარდი ევროს მაკროფინანსურ დახმარებას გამოუყოფენ. ამის შესახებ ევროსაბჭოს გამოქვეყნებულ დასკვნებშია ნათქვამი.

დოკუმენტში აღნიშნულია, რომ ევროკავშირი, პარტნიორებთან ერთად, რჩება ერთგული გაუწიოს ფინანსური დახმარება უკრაინას და მხარი დაუჭიროს მის მდგრადობასა და გრძელვადიან აღდგენას.

„ამ კონტექსტში, ევროკავშირი დათანხმდა უკრაინას 18 მილიარდი ევროს დახმარების გამოყოფას 2023 წლისთვის“, - ნათქვამია დასკვნებში.

გარდა ამისა, ევროპელი ლიდერები შეთანხმდნენ, რომ „დაუყოვნებლივ გააძლიერონ ჰუმანიტარული და სამოქალაქო დაცვის დახმარება უკრაინაში“ და დაეხმარონ კრიტიკული ინფრასტრუქტურის აღდგენაში. 

„ევროპის საბჭო იწვევს კომისიას, რათა გააძლიეროს კოორდინაცია ევროპულ ინდუსტრიასთან და საერთაშორისო პარტნიორებთან, რათა უზრუნველყოს უკრაინაში პრიორიტეტული აღჭურვილობის მდგრადი მიწოდება, როგორიცაა მობილური გათბობის ბლოკები, ელექტრო გენერატორები, ელექტროტრანსფორმატორები, ასევე მაღალი ძაბვისა და განათების მოწყობილობები. “- ნათქვამია დასკვნებში.

ამავდროულად, ევროკავშირის წევრი ქვეყნების ლიდერებმა დაადასტურეს, რომ გააგრძელებენ დევნილთა დახმარებას როგორც უკრაინაში, ასევე ქვეყნის ფარგლებს გარეთ.

ცნობისთვის, 2022 წლის ნოემბრის დასაწყისში ევროკავშირმა გამოთქვა სურვილი, რომ უკრაინისთვის 18 მილიარდ ევრომდე დახმარება გამოეყო. 

6 დეკემბერს ცნობილი გახდა, რომ უნგრეთი უკრაინისთვის მაკროფინანსური დახმარების პაკეტის გამოყოფას ბლოკავდა. 

ფორმალურად, ვიქტორ ორბანმა განაცხადა, რომ ბუდაპეშტი წინააღმდეგი იყო ბლოკიდან სახსრები ერთობლივად გამოეყო. ამიტომ, ბრიუსელმა დაიწყო „გეგმის B“ მომზადება, რათა უკრაინას მაინც შეეძლო ამ თანხების მიღება უნგრეთის თანხმობის გარეშე - 26 წევრი ქვეყნის ინდივიდუალური გარანტიით. მათ ამის ევროკავშირში უკრაინის მხარდაჭერასთან დაკავშირებით უთანხმოების თავიდან აცილება სურდათ.

აღსანიშნავია, რომ ვეტოს მოხსნის სანაცვლოდ ევროკავშირის წევრი ქვეყნები დაამტკიცებენ უნგრეთის 5.8 მილიარდ ევროს ოდენობის გეგმას პოსტპანდემიური აღდგენისთვის, თუმცა ეს მოხდება მას შემდეგ, რაც უნგრეთი შესაბამის პირობებს დააკმაყოფილებს.

ელჩები ასევე შეთანხმდნენ უნგრეთისთვის გამოყოფილი ევროკავშირის ბიუჯეტის 6,3 მილიარდი ევროს შეჩერებაზე. მანამდე, ევროკომისიის რეკომენდაციის თანახმად, უნდა შეჩერებულიყო 7.5 მილიარდი ევროს დახმარება.

მოგვიანებით, უნგრეთის ხელისუფლებამ მიითო გადაწყვეტილება, რომ უკრაინისთვის 18 მილიარდი ევროს დახმარებისთვის ვეტო მოეხსნა. 

2022 წლის 13 დეკემბერს, ევროკავშირის 27-ვე ქვეყანამ  მხარი დაუჭირა უკრაინის დახმარების გაწევას 18 მილიარდი ევროს ოდენობით - ყოველთვიურად 1,5 მილიარდი ევრო.

ავტორი: ექსპრესნიუსი,

სოციალური ქსელები

ემანუელ მაკრონმა ვოლოდიმირ ზელენსკის მასსა და დონალდ ტრამპს შორის შეხვედრის ორგანიზება შესთავაზა

საქართველოს რკინიგზის ყოფილი ხელმძღვანელი დავით ფერაძე დააკავეს

საელჩო: დიდმა ბრიტანეთმა სანქციების ახალ პაკეტში შეიყვანა ხომალდი SILVAR, რომელიც წლის დასაწყისში საქართველოს პორტში იმყოფებოდა

„საქართველოს ბანკის“ წარმომადგენელმა NextGen Payments & RegTech Forum-ზე გამოცდილება გააზიარა