გერმანიის კანცლერის, ოლაფ შოლცის თქმით, უკრაინა-რუსეთის კონფლიქტში მოსკოვის მიერ ბირთვული იარაღის გამოყენების რისკი შემცირდა, რადგან საერთაშორისო საზოგადოებამ პუტინთან „წითელი ხაზი გაავლო“.

„ამ დროისთვის ერთი რამ შეიცვალა: რუსეთმა შეწყვიტა მუქარა ბირთვული იარაღის გამოყენების შესახებ. საერთაშორისო თანამეგობრობის მიერ წითელი ხაზის მონიშვნის საპასუხოდ “, - თქვა კანცლერმა ინტერვიუში. 

იგი მიიჩნევს, რომ ამაში წვლილი საერთაშორისო საზოგადოების, მათ შორის ჩინეთის, ჩართულობამ განაპირობა. 

”ამჟამად ჩვენ შევაჩერეთ ეს”, - განაცხადა გერმანიის მეთაურმა. 

შოლცი თვლის, რომ მისი ბოლო ვიზიტი ჩინეთში რუსეთის მხრიდან ბირთვული იარაღის საფრთხის აშკარა შემცირების მიზეზი გახდა. 

"პეკინში ჩემი ვიზიტის დროს, ჩინეთის პრეზიდენტთან ერთად ერთობლივად განვაცხადეთ, რომ ბირთვული იარაღი არ უნდა გამოეყენებინათ. ცოტა ხნის შემდეგ G20-ის ქვეყნებმა კიდევ ერთხელ დაადასტურეს ეს პოზიცია", - თქვა შოლცმა. 

კითხვაზე იზიარებდა თუ არა ემანუელ მაკრონის მიერ გაკეთებულ განცხადებას იმის შესახებ, რომ რუსეთს „გარანტიები“ უნდა მიეცეს, შოლცმა აღიარა, რომ გრძელვადიან პერსპექტივაში უსაფრთხოების საკითხი დღის წესრიგში დადგება. 

"პრიორიტეტია, რომ რუსეთმა დაუყოვნებლივ დაასრულოს ომი და გაიყვანოს თავისი ჯარები. მართალია, მაშინ საკითხია, როგორ შეგვიძლია უზრუნველვყოთ ევროპის უსაფრთხოება. ჩვენ, რა თქმა უნდა, მზად ვართ რუსეთთან ერთად განვიხილოთ შეიარაღების კონტროლი ევროპაში. ჩვენ ეს შემოგვთავაზეს ომამდე და ეს პოზიცია არ შეცვლილა", - დასძინა მან.

ავტორი: ექსპრესნიუსი,

სოციალური ქსელები

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან