უკრაინის პრეზიდენტის, ვოლოდიმირ ზელენსკის განცხადებით, ქვეყნის შეიარაღებულმა ძალებმა 1 888 დასახლებული პუნქტის დეოკუპაცია მოახერხეს.

როგორც სახელმწიფოს მეთაურმა ტრადიციულ ვიდეომიმართვაში თქვა, თითქმის ამდენივე უკრაინული ქალაქი და სოფელი რუსულ ოკუპაციაში კვლავ რჩება.

"ჩვენ უკვე მოვახერხეთ 1 888 დასახლებული პუნქტის ოკუპაციისგან გათავისუფლება, მაგრამ თითქმის ამდენივე უკრაინული ქალაქი და სოფელი რჩება ოკუპაციაში. რაც იმას ნიშნავს, რომ ახლა უკრაინაში ბრძოლის ველზე წყდება მილიონობით ადამიანის ბედი. მილიონობით, რომელთა გადარჩენაც შეიძლებოდა. ჩვენ არ გვაქვს უფლება, რომელიმე ჩვენიანი მივატოვოთ რუსულ ოკუპაციაში, არც ფილტრაციულ ბანაკებში, სადაც ათასობით ადამიანი უკვე გაქრა და არც რუსეთის ტერიტორიაზე, სადაც ასობით ათასი უკრაინელი ძალით გაიყვანეს. ჩვენ შეგვიძლია მათი გათავისუფლება. ამაზე დგას ჩვენი იმედი", - განაცხადა უკრაინის პრეზიდენტმა.

ვოლოდიმირ ზელენსკის თქმით, 24 თებერვალს დაწყებული "ტოტალური ომი" უკრაინელებისთვის  ომია "გადარჩენისთვის".

ავტორი: ექსპრესნიუსი,

სოციალური ქსელები

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან