ეკონომიკისა და მდგრადი განვითარების მინისტრის მოადგილე ირაკლი ნადარეიშვილი OECD-ს (ეკონომიკური თანამშრომლობისა და განვითარების ორგანიზაცია) ორგანიზებით დაგეგმილ წლიურ შეხვედრაში OECD friends of Eurasia enlarged session - ში მონაწილეობს, სადაც განიხილება უკრაინის ომის გავლენა რეგიონის ეკონომიკაზე და არსებული გამოწვევები, მათი გადაჭრის გზები და შესაძლებლობები რეგიონული თანამშრომლობის კუთხით, აგრეთვე 2023 წელს ქ. თბილისში  დაგეგმილი მინისტერიალის, ევრაზიის კვირეულის მთავარი თემები.

შეხვედრაზე ასევე შეჯამდება OECD-ს მიერ 2022 წელს განხორციელებული პროგრამები და 2023 წლისთვის დაგეგმილი აქტივობები აღმოსავლეთ ევროპაში, სამხრეთ კავკასიასა და ცენტრალურ აზიაში.

წლიური შეხვედრა ეკონომიკური თანამშრომლობისა და განვითარების ორგანიზაციის შტაბ-ბინაში, საფრანგეთის დედაქალაქ პარიზში მიმდინარეობს. შეხვედრაში პირველად  მონაწილეობენ OECD–ს ევრაზიის კონკურენტუნარიანობის პროგრამაში (OECD Eurasia Competitiveness Programme) ჩართული ქვეყნების ელჩები. ამ პროგრამის თანათავმჯდომარის სტატუსით აღნიშნულ შეხვედრაზე მონაწილეობს საქართველო, რომელიც, პოლონეთთან ერთად, აღმოსავლეთ პარტნიორობისა და სამხრეთ კავკასიის ინიციატივის თანათავმჯდომარე ქვეყანაა და აგრეთვე ყაზახეთი, ცენტრალური აზიის ინიციატივის თანათავმჯდომარე ევროკავშირთან ერთად.

ღონისძიების პარალელურად, ასევე დაგეგმილია ორმხრივი შეხვედრები,  საქართველოსა და OECD -ს შემდგომი თანამშრომლობის მიმართულებით.

ავტორი: NS (სტატია დაფინანსებულია),

სოციალური ქსელები

ევროკავშირი უკრაინას თითქმის 2.8 მილიარდ ევროს გამოუყოფს

შს მინისტრის მოადგილე გორში პოლიციელების მხრიდან მოქალაქის ცემას სამწუხარო ფაქტს უწოდებს

ლავროვი საქართველოსა და მოლდოვიდან რუსული ჯარების გაყვანაზე კალასის განცხადებაზე: იდიოტურ განცხადებებს არ განვიხილავ

კალასი: ევროკავშირის უსაფრთხოების ინტერესებში საქართველოდან რუსული ჯარების გაყვანაც შედის