2022-12-04 15:23:34, 1053 ნახვა
მსოფლიო
ისრაელის სამხედრო ავიაციამ ღაზას სექტორი დაბომბა
ერთთვიანი მშვიდობიანი პერიოდის შემდეგ, ისრაელის სამხედრო ავიაციამ ღაზას სექტორი დაბომბა. უცხოური მედიის ინფორმაციით, აღნიშნულ ავიაიერიშს ისრაელის წინააღმდეგ სარაკეტო თავდასხმა უძღოდა.
ისრაელის თავდაცვის ძალების ინფორმაციით, ქვეყნის სამხედრო ავიაციის მთავარი სამიზნე „ჰამასის“ რაკეტების მწარმოებელი ქარხანა და გვირაბები იყო.
აღნიშნულის შემდეგ კი, „ჰამასის“ „იზ ად-დინ ალ-ყასამის“ ბრიგადების სამხედრო ფრთამ განაცხადა, რომ არაბულ ანკლავში ისრაელის ავიაცია „მიწა-ჰაერის“ ტიპის რაკეტებით დაბომბეს.
ისრაელსა და ღაზას სექტორში მსხვერპლის შესახებ ინფორმაცია არ გავრცელებულა.
ავტორი: ექსპრესნიუსი,
epn.ge (@expressnews.ge)
