პირველად ექიმებმა მოახერხეს ალცგეიმერის დაავადების განვითარების შენელება და ამის დამტკიცება. პოტენციური სამედიცინო მიღწევა დაკავშირებულია ექსპერიმენტულ წამალ ლეკანემაბთან: კლინიკურმა კვლევებმა აჩვენა, რომ დაავადების ადრეულ ეტაპზე მიღების შემთხვევაში, სერიოზული სიმპტომები შეიძლება გადაიდოს 5 თვემდე. მაიკლ ირრიზარის, დეველოპერული კომპანიის Eisai-ს სპიკერის თქმით, ეს იმედს აძლევს პაციენტებს და ექიმებს და ასევე უნდა წაახალისოს შემდგომი კვლევები ალცჰეიმერის და ნეიროდეგენერაციული დაავადებების შესახებ.

პრეპარატის შემქმნელები აცხადებენ კლინიკური კვლევების სამი ეტაპის წარმატებით დასრულებას. ალცჰეიმერის ასოციაცია დაავადების განვითარების უმნიშვნელო შენელებასაც კი დიდ მიღწევას უწოდებს. ასოციაციის წამყვანი მკვლევარი მარია კარილო ხაზს უსვამს, რომ ასეთი წარმატება პირველად დადასტურდა და ახლა სპეციალისტებმა უნდა გაიგონ, რას ნიშნავს დაავადების განვითარების შენელება.

აშშ-ს სურსათისა და წამლების ადმინისტრაცია განიხილავს ლეკანმაბის დაჩქარებულ სერტიფიცირებას და გადაწყვეტილება, სავარაუდოდ, მომავალი წლის დასაწყისში იქნება მიღებული.

ეს არ არის ერთადერთი სამეცნიერო პროექტი, რომელიც ჰპირდება გარღვევას ალცჰეიმერის დაავადების წინააღმდეგ ბრძოლაში. გასულ წელს მკვლევართა გუნდებმა აშშ-დან, დიდი ბრიტანეთიდან და გერმანიიდან გამოაცხადეს ვაქცინის ცდები, რომელიც შექმნილია იმ ცილის წარმოების შენელებისთვის, რომელიც ხელს უწყობს დემენციას.

ავტორი: ექსპრესნიუსი,

სოციალური ქსელები

კობახიძე: დახვეწილი ხელწერაა, როცა ხელისუფლებას აქვს ჯანსაღი რეაქცია სამართალდარღვევაზე

ევროკავშირი უკრაინას თითქმის 2.8 მილიარდ ევროს გამოუყოფს

შს მინისტრის მოადგილე გორში პოლიციელების მხრიდან მოქალაქის ცემას სამწუხარო ფაქტს უწოდებს

ლავროვი საქართველოსა და მოლდოვიდან რუსული ჯარების გაყვანაზე კალასის განცხადებაზე: იდიოტურ განცხადებებს არ განვიხილავ