2022-11-11 13:43:18, 1481 ნახვა
მსოფლიო
პესკოვის განცხადებით, ვლადიმერ პუტინი G20-ის სამიტს არც ვირტუალურ რეჟიმში დაესწრება
რუსეთის პრეზიდენტმა ვლადიმერ პუტინმა, რომელმაც ინდონეზიაში ჩასვლა გადაიფიქრა, G20-ის სამიტს არც ვირტუალურ რეჟიმში დაესწრება. ამის შესახებ კრემლის პრესსპიკერმა დიმიტრი პესკოვმა განაცხადა.
პესკოვის თქმით, რომელსაც რუსული მედია ციტირებს, პუტინის G20-ისა და APEC-ის სამიტებზე ონლაინ რეჟიმში დასწრება ან ვიდეომიმართვა არ იგეგმება, ვინაიდან ეს გადაწყვეტილება "პუტინის განრიგს და რუსეთში ყოფნის აუცილებლობას უკავშირდება".
მიუხედავად იმისა, რომ პუტინი პირადად არ დაესწრება G20-ის ქვეყნების ლიდერების სამიტს, რუსეთის დელეგაციას საგარეო საქმეთა სამინისტროს ხელმძღვანელი, სერგეი ლავროვი უხელმძღვანელებს.
რაც შეეხება უკრაინის მხარეს - ვოლოდიმირ ზელენსკი სამიტს, სავარაუდოდ, ონლაინ ფორმატში შეუერთდება.
ავტორი: ექსპრესნიუსი,
epn.ge (@expressnews.ge)
