აშშ-ში კონგრესის შუალედური არჩევნების ხმების დათვლის პროცესი მიმდინარეობს, რომლის საბოლოო შედეგი რამდენიმე დღეში გახდება ცნობილი. 

არჩევნებში მონაწილეობა 46 მილიონზე მეტმა ამომრჩეველმა მიიღო და სწორედ ისინი გადაწყვეტენ, შეძლებს თუ არა „რესპუბლიკელები“ კონგრესზე კონტროლის მოპოვებას, რაც ხელს შეუშლის პრეზიდენტ ჯო ბაიდენის გეგმების განხორციელებას.

ოფიციალური პირების შეფასებით, ბიულეტენების საბოლოო რაოდენობამ, შესაძლოა, 2018 წლის შუალედურ არჩევნებში დაფიქსირებულ რეკორდს გადააჭარბოს. 

რამდენიმე მედიასაშუალება წინასწარი შედეგებზე დაყრდნობით პროგნოზირებს, რომ „რესპუბლიკელები“ მიიღებენ იმ ხუთ ადგილს, რომელიც საჭიროა წარმომადგენელთა პალატის გასაკონტროლებლად.

ბოლო მონაცემებით კი, წარმომადგენელთა პალატაში „რესპუბლიკელებმა“ 171 ადგილი, „დემოკრატებმა“ კი 139 ადგილი მოიპოვეს. 435-ადგილიან პალატაზე კონტროლის მოსაპოვებლად პარტიას 218 მანდატი სჭირდება.

რაც შეეხება სენატს, „რესპუბლიკელებს“ ჯერჯერობით 45 ადგილი აქვთ, „დემოკრატებს“ კი - 47.

რესპუბლიკელთა გამარჯვება პალატასა და სენატში პარტიას საშუალებას მისცემს, დაბლოკონ პრეზიდენტის დღის წესრიგის დიდი ნაწილი მომდევნო ორი წლის განმავლობაში. 

ავტორი: ექსპრესნიუსი,

სოციალური ქსელები

კიევსა და სხვა რამდენიმე ქალაქში ფედოროვის მხარდამჭერი საპროტესტო აქციები მეორე დღეა გრძელდება: მონაწილეები სკანდირებენ „სირსკი, წადი!“

უკრაინის ეროვნული პოლიციის უფროსის მოვალეობის შემსრულებლად მაქსიმ ცუცქირიძე დაინიშნა

აშშ-მ ირანის წინააღმდეგ ახალი დარტყმების სერია დაიწყო

ნათელაშვილი ტრამპის მადლობაზე - ხელოვნური ინტელექტის მიერ კომპიუტერის მეშვეობით გამოგზავნილი პასუხია მილოცვებზე მთელი მსოფლიოს მასშტაბით