2022-11-05 14:53:32, 1315 ნახვა
მსოფლიო
ირანმა აღიარა, რომ რუსეთს დრონები მიაწოდა
ირანის საგარეო საქმეთა მინისტრმა პირველად აღიარა, რომ ქვეყანამ რუსეთს დრონები მიაწოდა.
მისი მტკიცებით, ტრანსფერი ომის დაწყებამდე განხორციელდა.
"ჩვენ რუსეთს უპილოტო თვითმფრინავების შეზღუდული რაოდენობა მივეცით უკრაინის ომამდე თვეებით ადრე",- განაცხადა ამირაბდოლაჰაინმა
აღსანიშნავია, რომ მანამდე, ირანის ოფიციალური პირები უარყოფდნენ ცნობებს იმის შესახებ, რომ ქვეყანა რუსეთს იარაღს აწვდის. ამასთან, ირანის ელჩმა გაეროში ბრალდებებს "სრულიად უსაფუძვლო" უწოდა.
ამასთან, აშშ და მისი დასავლელი პარტნიორები ამბობდნენ, რომ უკრაინაში ირანული დრონების გამოყენების მტკიცებულებები არსებობს და გაეროს გამოძიებისკენ მოუწოდებენ.
ავტორი: ექსპრესნიუსი,
epn.ge (@expressnews.ge)
