უკრაინის პრეზიდენტი, ვოლოდიმირ ზელენსკი აცხადებს, რომ ზოგიერთი ქვეყნის ლიდერი მას რუსეთთან კომპრომისისკენ უბიძგებს. ზელენსკიმ აღნიშნულთან დაკავშირებით ჩეხურ მედიასთან ინტერვიუში ისაუბრა.

ჟურნალისტის შეკითხვას, უბიძგებს თუ არა ვინმე მას რუსეთთან კომპრომისებისკენ, უკრაინის პრეზიდენტმა ასე უპასუხა:

„ვფიქრობ, ქვეყნების ზოგიერთი ლიდერი, რა თქმა უნდა, ისურვებდა… არ მინდა ახლა ამას შეფასება მივცე, რადგან ამას მნიშვნელობა არ აქვს. ჩემთვის არ არის მნიშვნელოვანი, რომ ვიღაც ცდილობს, მიბიძგოს… ჩვენ უკვე ვიყავით რუსეთთან მოლაპარაკებებზე. ჩვენთვის იქ ახალი არაფერია, არანაირი სიურპრიზი. მე უკვე ვიცი, რით დასრულდება ეს ისტორია. ამიტომ მე არ მინდა, ველოდო დასასრულს, რადგან ეს „ბედნიერი დასასრული“ ამ ქვეყანასთან, ამ მეზობელთან არ იქნება". 

ვოლოდიმირ ზელენსკის თქმით, უკრაინა რუსეთისგან ასეთ სისასტიკეს და აგრესიულობას არ ელოდა, რაც მისივე განცხადებით, უკრაინელი პოლიტიკოსების ყველაზე დიდი შეცდომაა. 

ავტორი: ექსპრესნიუსი,

სოციალური ქსელები

კიევსა და სხვა რამდენიმე ქალაქში ფედოროვის მხარდამჭერი საპროტესტო აქციები მეორე დღეა გრძელდება: მონაწილეები სკანდირებენ „სირსკი, წადი!“

უკრაინის ეროვნული პოლიციის უფროსის მოვალეობის შემსრულებლად მაქსიმ ცუცქირიძე დაინიშნა

აშშ-მ ირანის წინააღმდეგ ახალი დარტყმების სერია დაიწყო

ნათელაშვილი ტრამპის მადლობაზე - ხელოვნური ინტელექტის მიერ კომპიუტერის მეშვეობით გამოგზავნილი პასუხია მილოცვებზე მთელი მსოფლიოს მასშტაბით